A CASA DO TERROR

HAUNT (2019)

Harper, unha adolescente que acaba de romper co seu mozo, decide ir de festa cos seus amigos no Samaín. Aínda que a noite non semella demasiado boa, axiña establece unha conversa cun rapaz ben riquiño que lle esperta o seu interese. Varios mozos xuntaranse e decidirán entrar nunha casa enmeigada que promete ofrecer unha experiencia extrema explotando os seus medos máis profundos. A noite converterase nun inferno cando se decaten de que algúns monstros son reais.

Cartel en galego

A CRIATURA PERFECTA

PERFECT CREATURE (2007)

O filme transpórtanos a un hipotético e retro-futurista 1960 no que a feble paz entre homes e vampiros está a piques de se converter nunha sanguenta guerra civil.

Datos do filme

Cartel en galego

AMERICAN PSYCHO II (2002)

Patrick Bateman, un psicópata americano, está morto; pero o seu maléfico legado continúa vivo no corpo de Rachel Newman, unha moza que sobreviviu a un dos seus salvaxes ataques e que agora desenvolveu unha obsesión polos asasinos en serie. No centro onde estuda, Rachel aspira a converterse na axudante dun profesor, e non está disposta a que ninguén se interpoña no seu camiño. Un novo psicópata está a piques de actuar...

Datos do filme

ATRAPADOS EN CHERNÓBIL  

CHERNOBYL DIARIES (2012)

Un grupo de amigos que están pasando as vacacións en Europa van á parar a Prypiat, unha cidade abandonada tralo accidente da central nuclear de Chernobyl; pero axiña se darán conta de que non están sós.

Datos do filme

BLADE (1998)

Nun mundo cohabitado en guerra por homes e vampiros, Blade é un vampiro que, ao contrario que o resto, non se alimenta de humanos, e que pretende acabar coa raza de "seres superiores" que morderon a súa nai cando estaba embarazada.

Datos do filme

Cartel en galego

CREEP (2004)

Unha fría noite de inverno en Londres, Kate vai coller o metro e, mentres agarda nun banco da plataforma, fica durmida. Cando esperta, decátase de que todo o mundo desapareceu. Presa do pánico, tenta saír da estación, pero todas as saídas están pechadas. Ó lonxe ve chegar un tren completamente baleiro, e ela sobe. De súpeto, o convoi detense na metade do túnel e o seu vagón queda ás escuras. Que vai ocorrer?...

Datos do filme