GOOD BYE, LENIN! (2003)

Berlín, outubro de 1989. Uns días antes da caída do Muro, a nai de Alex, unha muller orgullosa das súas ideas comunistas, entra en coma. Cando esperta oito meses despois, o seu fillo fará o posible e o imposible para que non se decate de que está a vivir nunha Alemaña reunificada e capitalista. O seu obxectivo é converter o apartamento familiar nunha illa ancorada no pasado, unha especie de museo do socialismo no que a súa nai viva comodamente crendo que nada cambiou.

Datos do filme

  GRAN TORINO (2008)

Walt Kowalski (Clint Eastwood), veterano da guerra de Corea, é un obreiro xubilado do sector do automóbil recentemente enviuvado. Está apaixonado polo seu coche, un Gran Torino de 1972. Home inflexíbel e rabechudo, a quen lle custa traballo asimilar os cambios que se producen ao seu arredor, especialmente á chegada de multitude de inmigrantes asiáticos ao seu rueiro. Así e todo, as circunstancias farán reformularse as súas ideas.

Clint Eastwood

Datos do filme      Trailer/vídeo

Cartel en galego

HEROÍNA (2005)

Na década dos oitenta, Pilar (Adriana Ozores), descobre que un dos seus tres fillos é adicto á heroína. Despois dun lapso inicial de incertidume, Pilar toma contacto con outros pais nunha situación similar, estes acoden a un precario centro municipal de axuda ó toxicómano, pero pronto se dá conta de que son moitas as cousas que teñen que cambiar fóra e dentro da casa para que o seu fillo se poida salvar. Así nace o seu desexo de facer algo más que lamentarse e emprende así xunto con outros pais, pero, sobre todo, nais, unha viaxe traballosa de denuncia do narcotráfico en Galicia.

Pepo Suevos , Tamara Canosa ,

Datos do filme       Trailer/vídeo

Cartel en galego

HOTEL RWANDA (2004)

1994, guerra civil de Ruanda. Os odios ancestrais entre os hutu e os tutsi provocan o asasinato do presidente do país, disturbios nas rúas e, finalmente, unha terrible matanza entre as dúas etnias. Paul, que é hutu, traballa como xerente dun hotel de Kigali e, cando empezan os disturbios, decide que o mellor refuxio é o hotel. E cara alí organiza unha fuxida non só da súa familia, senón tamén dos seus veciños tutsi.

Datos do filme

 INVICTUS (2009)

En 1990, tras ser posto en liberdade, Nelson Mandela (Morgan Freeman) chega á Presidencia do seu país e decreta a abolición do "Apartheid". O seu obxectivo era levar a cabo unha política de reconciliación entre a maioría negra e a minoría branca. En 1995, a celebración en Sudáfrica da Copa Mundial de Rugby foi o instrumento utilizado polo líder negro para construír a unidade nacional.

Morgan Freeman

Datos do filme