HABANA EVA (2010)

Eva (Prakriti Maduro) traballa como costureira nunha Fábrica estatal de roupa, mentres soña con ser a deseñadora de moda e ter un cuarto propio para casar co seu noivo de toda a vida, Anxo (Carlos Enrique Almirante), un indolente pero cariñoso insular. A súa vida cambia cando coñece a Jorge (Juan Carlos García) un atractivo e adiñeirado exiliado crecido en Venezuela, que visita Cuba. Eva namórase, pero xorde nela unha gran confusión por non saber cal elixir. Eva terá que decidir entre o seu noivo cubano ou o estranxeiro.

HISTORIAS DE SAN VALENTÍN

VALENTINE´S DAY (2010)

Unha morea de historias vanse cruzar durante o Día de San Valentín: unha oficial do exército (Julia Roberts) que abandona Iraq e que viaxa ata Os Ánxeles nun voo no que tamén vai alguén con asuntos que resolver (Bradley Cooper); o dono dunha florería (Ashton Kutcher) que lle propón matrimonio á súa noiva (Jessica Alba), pero está namorado dunha amiga próxima (Jennifer Garner) cuxo noivo está casado; unha xubilada (Shirley MacLaine) que lle desvela ao seu marido que mantivo un longo romance con outra persoa; unha muller (Anne Hathaway) que está saíndo cun empregado de correos; e, para rematar, unha publicista (Jessica Biel) que non ten con quen quedar no San Valentín.

Datos do filme