OLIVER TWIST (2007)

Miniserie da BBC que adapta o clásico de Dickens, manténdose fiel ao espírito da novela, pero achegando unha visión moderna ao coñecido relato do neno orfo que foxe do orfanato e remata inmerso no mundo do hampa londiniense, onde se unirá a Fagin e ao seu grupo de ladróns.

Datos do filme

O NOSO ÚLTIMO VERÁN EN ESCOCIA

WHAT WE DID ON OUR HOLIDAY  (2014)

Doug e Abi son dous pais normais que teñen tres fillos encantadores aínda que moi toliños. Cando o estrés de ser pais pon en perigo a súa estabilidade mental e o seu matrimonio, deciden realizar unha viaxe a Escocia cos seus fillos. Alí participarán nunha gran reunión familiar e reencontraranse con Gordie, o extravagante pai de Doug. Con todo, o que prometían ser unhas vacacións para a reconciliación axiña se converte nun campo de minas.

Datos do filme

Cartel en galego

OS FILLOS DE ONTE

YESTERDAY´S CHILDREN (2000)

Filme baseado en feitos reais. Dende a infancia, Jenny (Jane Seymour), ten estraños soños que parecen evocar unha existencia anterior vivida a principios de século nun pequeno pobo irlandés. Dende que está novamente embarazada, percibe con máis intensidade os recordos desa vida pasada, na que se ve identificada cunha muller, nai de catro nenos e sometida a un marido desapiadado. Jenny, que nunca estivo en Irlanda, decide viaxar a ese país para seguir a pista desa muller.

Datos do filme        Trailer/vídeo

O OURO DO TEMPO  (2013)

Inspirada nun feito real, conta a historia dun médico que, a finais dos anos 60, crioxeniza o cadáver da súa muller á espera de que a ciencia futura a poida revivir. A película ambiéntas na actualidade, coa vida cotiá do doutor, a persistencia no seu ideal do amor e a súa relación coa enfermeira que o coida, co seu fillo e co seu can. 

O RITMO DA VINGANZA 

THE RHYTHM SECTION (2020)

Stephanie Patrick sufriu a perda da súa familia nun accidente de avión. Cando descobre que o accidente non foi tal, a súa rabia atopará un novo sentido á súa vida e adentrarase nunha perigosa misión para intentar descubrir a verdade e vingar a súa familia.

PURPLE RAIN (1984)

The Kid, un músico pobre e atormentado polos problemas familiares, reproduce o maltrato que o seu pai dá á súa nai na súa relación amorosa. Loitando por sobrevivir a unha treboenta vida familiar e á súa propia carraxe, o seu talento refúxiase na súa música e na súa relación coa cantante Apollonia. Ademais, a tensión aumenta cando o seu rival intenta conquistar a súa noiva e obter a exclusividade do bar onde ámbolos dous cantan.

Datos do filme