LIBERADE A WILLY 2

FREE WILLY 2: THE ADVENTURE HOME (1995)

Fai dous anos, Jesse conseguiu que Willy, un orco cativo, ficara ceibo. Agora vive felizmente cos seus pais adoptivos. Un día, o seu medio irmán Elvis, comunícalle a morte da súa verdadeira nai. Durante a viaxe, Jesse volve atoparse coa súa amiga Willy e co Indio Randolph. Unha grande amizade establécese entre Jesse e a neta deste último.

Datos do filme

MISIÓN IMPOSIBLE. PROTOCOLO FANTASMA

IMPOSSIBLE MISSION. GHOST PROTOCOL (2011)

Cuarta entrega da serie cinematográfica ‘Misión Imposible’. O axente Ethan Hunt, acusado dun atentado terrorista con bombas contra o Kremlin, é desautorizado, xunto con toda a organización, ao poñer en marcha o presidente o ‘Protocolo Pantasma’. Abandonado á súa sorte e sen recursos, o obxectivo de Ethan é rehabilitar o bo nome da súa axencia e impedir un novo ataque. Mais Ethan emprende esta misión cun equipo formado por fuxitivos cuxos motivos persoais non coñece ben.

Cartel en galego

MIA E O LEÓN BRANCO

MIA AND THE WHITE LION (2018)

Unha moza que se mudou cos seus pais de Londres a África desenvolve unha ligazón sorprendente e especial cun león salvaxe. A súa incrible amizade lévaa a viaxar pola sabana para salvar á súa mellor amiga. Dende que era pequena, Mia comeza unha relación extraordinaria con Charlie, un cachorro de león branco nacido na granxa de leóns dos seus pais en Sudáfrica. Durante varios anos, crecerán xuntos e vivirán unha amizade incondicional.

Cartel en galego

MOZOS SICARIOS

MERCURY PLAINS (2016)

Un home novo cunha chea de problemas persoais foxe a México, onde é recrutado nun grupo paramilitar que loita contra os carteis da droga.

NO CORAZÓN DO MAR

IN THE HEART OF THE SEA (2015)

No inverno de 1820, Owen Chase e outros mariñeiros da tripulación do Essex sobreviviron en alta mar en durísimas condicións despois de que o barco chocara contra unha enorme balea branca. Obsesionado coa idea de darlle caza ao cetáceo, enfrontouse ás tormentas, á fame e á desesperación. Inspirada na historia real en que se basou Herman Melville para escribir o famoso relato 'Moby Dick'.

Cartel en galego