AGORA OU NUNCA

THE BUCKET LIST (2007)

Dous enfermos terminais de cancro, de carácteres e mundos completamente opostos, inician unha amizade. Edward Cole (Jack Nicholson) é un fachendoso millonario mentres que Carter Chambers (Morgan Freeman) é un modesto mecánico. A pesar de todo, deciden emprender xuntos unha última viaxe para poder facer, antes de morrer, todas as cousas que sempre desexaron.

Morgan Freeman

Datos do filme

Cartel en galego

A HISTORIA DE XESÚS

THE STORY OF JESUS (1979)

Conta a historia de Xesús Cristo tomada dende o punto de vista do evanxeo de Lucas. O seu nacemento, a súa vida, morte e resurreción. Máis de dúas horas de filme que entreterá a crentes e non crentes. Un filme dobrado a unha morea de linguas minoritarias.

AMUNDSEN (2019)

Roald Amundsen, o ambicioso explorador noruegués está decidido a facer unha expedición ao Ártico Polar para adiantarse aos británicos, que pretenden incorporar a Antartida ao seu imperio. A pesar dos consellos que lle dá o seu círculo de amigos, decide facer a viaxe custe o que custe, aínda que teña que mentir e enganar á xente que o acompaña.

Cando chegan alí, atopan unha imaxe moi diferente. As temperaturas, as condicións meteorolóxicas e os perigos derivados de ambas convértense nun obstáculo que lles custará a vida a moitos. Cando as mortes comezan a producirse, Admundsen abandona o seu equipo, deixao para sobrevivir.

AS AMIZADES PERIGOSAS

DANGEROUS LIAISONS (1988)

Francia, século XVIII. A perversa e engaiolante Marquesa de Merteuil (Glenn Close) planea vingarse do seu último amante coa axuda do seu vello amigo, o Vizconde de Valmont (John Malkovich), un sedutor tan amoral e depravado coma ela. Unha virtuosa muller casada, Madame de Tourvel (Michelle Pfeiffer), da que Valmont se namora, verase involucrada nas insidiosas maquinacións da marquesa. 

Datos do filme

Cartel en portugués

BARRABÁS

BARABBA (1961)

Barrabás é un personaxe misterioso, citado breve e exclusivamente no Novo Testamento. El sería un criminal condeado á morte pola xustiza romana, que acaba ceibe por vontade do populacho xudeo.

O escritor sueco, Pär Lagerkvist creou unha obra de ficción onde Barrabás pasa por varias situacións críticas, sexa como escravo-mineiro ou como gladiador, e a lembranza de Xesús parece perseguilo todo o que lle resta de vida.

Datos do filme

CONTROL (2007)

Narra os últimos anos de Ian Curtis, o enigmático cantante da banda Joy Division e icona do post-punk inglés, ata o seu tráxico suicidio en 1980, na véspera da primeira turnê norteamericana de Joy Division. Como lle afectou o dramático conflito entre o grande amor que sentía pola súa muller e a apaixonada relación coa súa amante, os seus ataques de epilepsia, o seu extraordinario talento e as súas irresistíbeis actuacións en directo.

Datos do filme