A FUGA DE ALCATRAZ

ESCAPE FROM ALCATRAZ  (1979)

San Francisco, xaneiro de 1960. Frank Lee Morris, un preso moi intelixente que fuxiu de varias prisións, é trasladado a Alcatraz, cárcere de máxima seguridade situada nunha illa rochosa no medio da baía de San Francisco. A pesar de que ninguén conseguiu evadirse nunca de alí, Frank e outros reclusos comezan a preparar minuciosamente un plan de fuga.

Cartel en galego

A MÁSCARA DO ZORRO

THE MASK OF ZORRO (1998)

Un enmascarado coñecido como El Zorro, loita contra o dominio colonial español na Alta California. Mais, a véspera da liberación de México, o despótico gobernador don Rafael Montero descobre que o Raposo é don Diego de la Vega. Un ataque contra a casa do rebelde, sáldase coa súa captura, a morte da súa muller, o secuestro da súa única filla. Vinte anos despois, Montero volve do exilio con Elena, a súa filla, que ignora a identidade do seu pai, e se propón comprar California ao Presidente de México, o Xeneral Santa Anna. Cando don Diego de la Vega se decata, fuxe do cárcere disposto a vingarse.

Antonio Banderas , 

Datos do filme      Trailer/vídeo

Cartel en galego

ASASINOS

ASSASSINS (1995)

Robert Rath, recrutado inicialmente pola urxente causa da Guerra Fría, levaba a cabo traballos para os que poucos homes estaban preparados e agora quere deixalo. Despois de ser o indiscutíbel número un, alguén chamado Miguel Bain comeza a acosar ese liderado. Apaixonado e ambicioso, este estudante de Historia goza coa emoción de matar e sabe que o seu momento chegou e que só Rath lle impide realizar o seu destino. No camiño de ambos os dous cruzarase Electra, unha experta en vixilancia e astuta ladroa no mundo da información.

Antonio Banderas , 

Datos do filme

 A VOLTA Ó MUNDO EN 80 DÍAS

AROUND THE WORLD IN 80 DAYS (2004)

Phileas Fogg, un excéntrico inventor londiniense, non é tomado en serio pola sociedade vitoriana. Inquedo e desacougado, Fogg reta a Lord Kelvin, cabeza visíbel da Real Academia das Ciencias, mediante unha incríbel aposta: di que será quen de dar a volta ó mundo en menos de 80 días. Irá acompañado do seu axudante de cámara Passepartout e Monique, a artista francesa na procura de aventuras.

Datos do filme

Cartel en galego

CAZA LEGAL

FAIR GAME (1995)

Max Kirkpatrick (William Baldwin) é un brillante axente de policía que se ve na obriga de protexer á fermosa Kate McQuean (Cindy Crawford), unha prestixiosa avogada de dereitos civís de Miami que ve a súa vida ameazada por unha banda de antigos axentes do KGB liderada por un importante home de negocios da antiga Unión Soviética.

Datos do filme

Cartel en galego

CONAN O DESTRUTOR

CONAN THE DESTROYER (1984)

A poderosa Raiña Taramis promete a Conan facer volver á súa amada do Reino da Morte, mais cunha condición: debe traerlle un lendario corno máxico e a unha bela e nova princesa. O que Conan descoñece é que a Raíña quere utilizar o corno para espertar ó durminte deus Dagoth e sacrifica-la princesa. Enfrontado con inimigos mortais e sobrenaturais, Conan debe convocar ás forzas do Ben para derrotar a Taramis e mesmo ó deus Dagoth.

Datos do filme

Cartel en galego