ADEUS ÁS ARMAS

TFAREWELL TO ARMS (1932)

Primeira Guerra Mundial (1914-1918). Primeira adaptación da novela  homónima de Ernest Hemingway; a segunda dirixiuna Charles  Vidor en 1957. Antes de que os Estados Unidos entren na guerra en 1917,  Frederick, un xornalista norteamericano, alístase como voluntario no Corpo de Ambulancias italiano para poder seguir de preto os acontecementos. Tras recibir unha ferida, ingresa nun hospital e namórase de  Catherine, unha enfermeira británica. 

Cartel en galego

A QUIMERA DO OURO

THE GOLD RUSH (1925)

Obra mestra de Chaplin, na que interpreta a un solitario buscador de ouro que chega a Alasca a principios do século vinte en busca de fortuna. Unha forte tormenta de neve levarao a refuxiarse na cabana dun bandido.

Datos do filme

AS LEIS DA HOSPITALIDADE

OUR HOSPITALITY (1923)

Os Canfield e os McKay herdaron unha inimizade que pasou de pais a fillos durante moitas xeracións. Pero, por caprichos do destino, Willie McKay (Buster Keaton) colle un tren en Nova York, no que coñece a Virxinia Canfield, e todo vai cambiar.

Datos do filme

AS MINAS DO REI SALOMÓN 

 KING SALOMON´S MINE (1950)

No 1916, o cazador británico Allan Quatermain é contratado pola americana Jesse Huston para atopar o seu pai, desaparecido na África Oriental Alemaña. Ambos os dous incursionan na cidade inimiga de Tongola, onde o profesor Huston foi secuestrado polo coronel alemán Bockner e o axente turco Dogati, quen tentan arrincarlle un descubrimento arqueolóxico que permitiría que Alemaña e Turquía gañen a I Guerra Mundial: a localización das famosas minas do Rei Salomón. 

Datos do filme

Cartel en galego

BEN-HUR (1959)

Nos anos do Imperio Romano do reinado de Augusto e o seu sucesor Tiberio, Xudá Ben-Hur, fillo dunha familia nobre de Xerusalén, e Mesala, tribuno romano que dirixe os exércitos de ocupación, convertéronse en inimigos irreconciliábeis. Ben-Hur é acusado de atentar contra a vida do novo gobernador romano e Mesala encarcérao, xunto á súa familia. Cando se levan a Ben-Hur a galeras, un mozo chamado Xesús de Nazaret apiadase del e dálle de beber.

Datos do filme

Cartel en galego

CRIME PERFECTO

DIAL M FOR MURDER (1954)

Tony Wendice (Ray Milland), un frío e calculador ex tenista profesional, quere asasinar á súa bela e rica muller Margot (Grace Kelly), porque sospeita que lle é infiel, aínda que o que máis lle interesa é quedar cos seus bens. Para realizar dito plan, chantaxea a un antigo compañeiro do exército para que entre na casa na súa ausencia e esgane a Margot.

Datos do filme

Cartel en galego