ASTÉRIX E OBÉLIX - AS DOCE PROBAS

LES DOUZE TRAVAUX D´ASTÉRIX (1976)

Julio César, canso de que un puñado de aldeáns tolos esmague unha e outra vez ás súas lexións, trasládase á Armórica para facer unha oferta aos habitantes do poboado: se son quen de superar doce probas inspiradas nos doce traballos de Hércules, César entenderá que son deuses e declararase vencido; pero se fallan nunha soa das probas, deberán someterse ás leis de Roma.

ASTÉRIX E OBÉLIX - ASTÉRIX E CLEOPATRA

ASTÉRIX ET CLEOPATRE (1968)

Cleopatra quere demostrar a Julio César que os exipcios son quen de construír mellor que os romanos e para iso, encarga a Numerobis, o arquitecto, que proxecte un pazo e o constrúa no prazo de tres meses. Numerobis séntese incapaz de facelo, polo que pide axuda ao seu amigo o druída Panorámix. Este parte cara a Alexandría en busca do seu amigo, e faino acompañado por Astérix e Obélix. Xuntos sortearán unha morea de perigos. 

ASTÉRIX E OBÉLIX - ASTÉRIX EN BRETAÑA

ASTÉRIX CHEZ LES BRETONS (1987)

Os británicos, normalmente independentes e autosufucientes, caen baixo dominio romano e píidenlles axuda aos galos para recuperaren a liberdade. Entón, Asterix e Obelix parten dende a Galia cara a Londinium (Londres) para lles axudaren aos seus amigos.

Cartel en galego

ASTÉRIX E OBÉLIX - ASTÉRIX O GALO

  ASTÉRIX LE GAULOIS (1967)

Astérix vive nunha aldea ao noroeste da Galia, a única parte do país que non conquistou aínda Julio César. A aldea está rodeada por catro campamentos romanos: Babaórum, Acuárium, Láudanum e Petibónum.No campamento romano próximo de Petibónum, Caius Bonus está moi enfadado porque as súas patrullas son sempre derrotadas. Iso é debido a que os galos toman unha poción máxica que os fai invencibeis

Cartel en galego

ASTÉRIX E OBÉLIS - ASTÉRIX EN AMÉRICA

ASTÉRIX ET LES INDIENS (1994)

No transcurso dunha liorta de nenos, o caldeiro no que Panoramix está a preparar a poción máxica cae ao chan, derramando o prezado contido. O druída sae entón ao bosque a buscar os ingredientes para preparar unha nova marmita, pero é secuestrado polos romanos. Astérix e Obélix, coa axuda de Idéfix, descobren o feito e perseguen aos romanos para ceibar ao seu amigo. Os romanos teñen a intención de chegar ata os confíns do mar e botar a Panorámix ao precipicio do mundo (pois supoñen que é plano), pero atoparanse con América. E os dous pequenos galos van tras eles...