A HISTORIA DE XESÚS PARA NENOS

THE STORY OF JESUS FOR CHILDREN (1979)

Conta a historia de Xesús Cristo tomada dende o punto de vista do evanxeo de Lucas. O seu nacemento, a súa vida, morte e resurreción. Dirixido ós máis cativos da casa. Foi dobrada a unha morea de linguas minoritarias.

A TORMENTA PERFECTA

THE PERFECT STORM (2000)

Gloucester (Massachussetts), outubro de 1991. O Andrea Gail é un barco de pesca patroneado por Billy Tyne (George Clooney), un veterano pescador cuxas últimas saídas foron infrutuosas. Procurando un golpe de sorte que faga cambiar este mal refacho, intérnase no Flemish Cap, un lugar máis alá das zonas onde adoitan ir os demáis pescadores. O que descoñece é que, á zona onde faena, se está a achegar a tormenta máis aterradora, forte e destrutiva que se poida concibir.

Datos do filme

Cartel en galego

Cartel en portugués

A VIDA QUE CHE ESPERA

LA VIDA QUE TE ESPERA (2004)

No norte de España ten lugar unha pelexa motivada por unha vaca que acaba co asasinato de Severo por parte dun gandeiro chamada Xildo. Este ten dúas fillas: Xenia e Val. Cando o fillo do malogrado Severo, Rai, chega á vila para o enterro, sentirase atraído por Val, filla do home que matou ao seu pai.

Luis Tosar / Xosé Olveira "Pico"

Datos do filme

Cartel en galego

BARRABÁS

BARABBAS (2012)

Inspirado na novela homónima do Premio Nobel de Literatura Par Lagerkvist, o filme narra a vida de Barrabás, o home cuxa liberación supuxo a morte de Xesucristo. Trátase dunha historia de redención final que comeza onde acaba o relato bíblico. Tras salvarse da morte e ver como un home inocente é condenado a morte, o bandido comeza unha loita espiritual que se aviva cando a súa muller é asasinada por ser seguidora de Xesús, e que remata coa súa conversión ao cristianismo.

Cartel en galego

Cartel en portugués

BIG FISH (2003)

William Bloom non ten moi boa relación co seu pai, pero tras decatarse de que padece unha enfermidade terminal, regresa ao seu fogar para estar ao seu lado nos seus últimos momentos. Unha vez máis, William verase obrigado a escoitalo mentres conta as interminables historias da súa mocidade. Pero, nesta ocasión, tratará de pescudar cousas que lle permitan coñecer mellor ao seu pai, aínda que para iso terá que separar claramente realidade e fantasía, elementos que aparecen sempre mesturados nos relatos do seu proxenitor. 

Datos do filme

Cartel en galego

BILLY ELLIOT (2000)

En 1984, durante unha folga de mineiros no condado de Durham, sucédense os enfrontamentos entre piquetes e policía. Entre os mineiros máis exaltados están Tony e o seu pai. Este empéñase en que Billy, o seu fillo pequeno, reciba clases de boxeo. P ero, aínda que o mozo ten un bo xogo de pernas, carece por completo de pegada. Un día, no ximnasio, Billy observa a clase de ballet da señora Wilkinson, unha muller de carácter severo que o anima a participar. A partir dese momento, Billy dedicaras e apaixonadamente á danza.