Asalto ao tren Pelham 123 (2009)

Walter Garber (Denzel Washington), un controlador da liña do metro da cidade de Nova York, ve convertido o seu día de traballo nun caos por un feito nada corrente: o secuestro dun dos vagóns do metro. Ryder (John Travolta) é a mente pensante, que como líder da banda de bandidos fortemente armados, ameaza con executar ós pasaxeiros do vagón, a menos que unha enorme cantidade de cartos sexa aboado no prazo dunha hora.

Pulp fiction (1994)

Pulp Fiction é un filme estadounidense dirixido por Quentin Tarantino, quen coescribiu o guión con Roger Avary. Protagonizado por John Travolta, Bruce Willis, Samuel L. Jackson ou Uma Thurman. Debido aos seus eclécticos diálogos, a súa combinación irónica de humor e violencia, e as múltiples referencias cinematográficas á cultura pop, que foron tan utilizadas posteriormente, influíu no xeito de facer cine. É considerada tamén unha das películas máis representativas do cine de Tarantino.