RAMBO - ACURRALADO

FIRST BLOOD (1982)

John Rambo (Silvester Stallone), noutro tempo membro das Forzas Especiais e coa Medalla de Honra do Congreso, ten problemas para adaptarse á vida civil e vagabundea por Estados Unidos. Rambo descobre que un dos membros da súa antiga unidade ao que vai visitar morrera de cancro, debido ás exposicións de Axente Laranxa. Após uns días, a policía deteno por vagabundo e asáñase con el. Entón recorda as torturas que sufriu en Vietnan e reacciona violentamente...

Datos do filme

REGRESO AO INFERNO

HOME OF THE BRAVE (2006)

Catro soldados estadounidenses están a piques de rematar a súa misión en Iraq. Pouco despois de saber que a súa unidade vai voltar a casa, son enviados para unha última misión humanitaria para o transporte de materiais médicos para o pobo iraquí. A unidade é emboscada e sufriron graves perdas. Os sobreviventes serán sometidos a agresions crueis físicas e psicolóxicas. Agora, de volta a Estados Unidos, catro soldados teñen que facer fronte as memorias do pasado, mentres que eles deben poñer a visión no futuro e voltar á vida civil.

Datos do filme

  SALVAR AO SOLDADO RYAN

SAVING PRIVATE RYAN (1998)

Tras o desembarco dos Aliados en Normandía, a un grupo de soldados americanos encoméndaselle unha perigosa misión: poñer a salvo ao soldado James Ryan. Os homes da patrulla do capitán John Miller (Tom Hanks) deben arriscar as súas vidas para encontrar este soldado, cuxos tres irmáns morreron na guerra. O único que se sabe do soldado Ryan é que se lanzou co seu escuadrón de paracaidistas detrás das liñas inimigas.

Tom Hanks

Datos do filme

Cartel en galego

STALINGRADO

STALINGRAD (1993)

Filme alemán dirixido por Joseph Vilsmaier, que conta a historia da Batalla de Stalingrado, ocorrida entre agosto de 1942 e febreiro de 1943 na fronte oriental da Segunda Guerra Mundial, que culminou coa primeira gran derrota da Alemaña Nazi fronte á Unión Soviética. Película coral na que se mostran os horrores da guerra a través das vicisitudes dun grupo de soldados alemáns que chegan a Stalingrado tras gozar dun permiso en Italia

THE WALL (2017)

Dous francotiradores, un estadounidense e outro iraquí, enfróntanse nunha paisaxe deserta nalgún lugar de Iraq. Cando son atacados tentan poñerse en contacto cos seus compañeiros, mais só se oe a un francotirador iraquí.

Filme dirixido por Doug Liman en 2017.

TROIA

TROY (2004)

No ano 1193 a. C., Paris (Orlando Bloom), fillo de Príamo e príncipe de Troia, rapta a Helena (Diane Kruger), esposa de Menelao, o rei de Esparta, o que desencadea a Guerra De Troia, na que se enfrontan gregos e troianos. O exército grego asediou a cidade durante máis de dez anos. Aquiles (Brad Pitt) era o grande heroe dos gregos, mentres Héctor (Eric Bana), o fillo maior de Príamo (Peter O'Toole), o rei de Troia, representaba a única esperanza de salvación para a cidade.

Brad Pitt ,

Datos do filme