127 HORAS

127 HOURS (2010)

Baseada na historia real de Aron Ralston, un intrépido montañeiro e escalador norteamericano que se fixo famoso porque en maio do 2003, durante unha escalada polos pouco transitados canóns de Utah, sufriu unha caída e quedou atrapado dentro dunha fonda greta. Tras varios días alí e sen ser quen de atopar unha solución alternativa, tivo que tomar unha dificil decisión.

Datos do filme

Cartel en galego

10.000 BC (2008)

Era a época na que o gran mamut percorría a Terra, a época na que xurdiron as primeiras ideas e crenzas que forxaron á humanidade. Un novo cazador (Steven Strait) guía un exército a través dun vasto deserto, nunha viaxe na que terán que enfrontarse a tigres dentes de sabre e a outros depredadores prehistóricos, ata que descobre unha civilización perdida e intenta rescatar a muller que ama.

Datos do filme       Trailer/vídeo

JACK, O CAZADOR DE XIGANTES

JACK THE GIANT SLAYER (2013)

A paz entre os seres humanos e os xigantes chega ao seu fin cando estes secuestran a unha princesa. Un grupo de homes valentes encabezados por un mozo granxeiro intentarán rescatala. Adaptación para adultos do conto infantil Jack e as Fabas Máxicas.

JOHN RAMBO (RAMBO IV)

RAMBO (2008)

O ex boina verde John Rambo (Stallone) leva unha solitaria e apracíbel vida na xungla do norte de Thailandia, pescando e cazando cobras para vendelas. Todo cambia cando un grupo de misioneiros católicos lle propoñen que faga de guía ata a fronteira con Birmania para abastecer aos refuxiados asediados polo exército birmano, que fixo da tortura e o asasinato un xeito de vida.  

Datos do filme

KARATE A MORTE EN BANGKOK 

TANG SHAN DA XIONG (2004)

Cheng Chao-An é un mozo chinés experto en artes marciais que chega a unha pequena vila tailandesa para vivir cos seus curmáns. Alí atopa traballo nunha fábrica de xeo que en realidade serve como tapadeira para o tráfico de drogas. Cando os seus curmáns van desaparecendo un por un de xeito sospeitoso, Cheng decide facer algunhas pescudas e descubre que os seus parentes foron asasinados polos tailandeses. . 

Datos do filme

Cartel en galego

KUNG FU SION 

GONG FU - KUNG FU HUSTLE (2004)

Durante o caos pre-revolucionario dos anos corenta na China, Sing (Stephen Chow) é un delincuente con pouca sorte decidido a entrar no Axe Gang, un clan da mafia máis importantes. Sing tentará sacar diñeiro dos veciños dun bloque de casas, pero axiña descubre que éstos non son o que parecen. A banda Axe Gang acude a zona e unha serie de sucesos leva ata o confrontamento final entre os veciños e os delincuentes. 

Datos do filme

Cartel en galego