12 ANOS DE ESCRAVITUDE 

12 YEARS A SLAVE (2013)

Baseada nun feito real acontecido en 1850, narra a historia de Solomon Northup, un culto músico negro que vivía coa súa familia en Nova York. Tras tomar unha copa con dous homes, Solomon descobre que o drogaron e secuestraron para ser vendido como escravo nunha plantación de Louisiana. Solomon contempla como todos ao seu arredor sucumben á violencia e á desesperación. Pero el decide non renderse e agardar a que chegue o momento oportuno para recuperar a liberdade e volver coa súa familia.

42 (2013)

Historia da vida do afroamericano Jackie Robinson (Chadwick Boseman), lendario xogador de béisbol que rompeu as barreiras raciais, tras asinar cos Dodgers de Brooklyn baixo a dirección do executivo Branch Rickey (Harrison Ford). A participación de Robinson na gran liga de béisbol supuxo a fin dunha era de segregación racial neste deporte.

Datos do filme

J.EDGAR (2011)

Ao longo da súa vida, J. Edgar Hoover chegou a ser o home máis poderoso de Estados Unidos. Durante os seus case 50 anos como director do FBI (Oficina Federal de Investigación), non houbo ren que lle impedise protexer o seu país. Hoover sobreviviu a oito presidentes e a tres guerras, loitando contra ameazas reais e inminentes e saltándose as regras a miúdo co fin de manter a salvo os seus compatriotas.

Datos do filme

KARATE KID

THE KARATE KID (1984)

Daniel Larusso chega aos Anxeles procedente da costa Leste de Estados Unidos disposto a facer novos amigos. Con todo, convértese no branco dos ataques dos Cobras, un hostil grupo de estudantes de kárate, cando comeza a saír con Ali, a antiga noiva do xefe do grupo. En tal situación, non ten máis remedio que pedirlle axuda a Miyagi, un mestre de artes marciais, para que lle ensine kárate. 

Datos do filme

KARATE KID III 

THE KARATE KID: PART III (1989)

O mozo karateka Daniel Larusso libra a súa batalla máis difícil cando o malvado Kreese fai que teña que defender o seu título de campión do torneo do Valley. O seu mestre Miyagi non está de acordo e o mozo prescinde del. Daniel terá un novo profesor que o adestra coma se fose un asasino. Cando Daniel comprende que o karate só debe usarse con humildade para protexer a vida e a honorabilidade, volve ás ensinanzas do seu vello mestre.

Datos do filme

KINSEY (2004)

No 1948, Alfred Kinsey cambiou irrevocablemente a cultura americana co seu libro "A Conducta Sexual do Home". Kinsey entrevistou a milleiros de persoas acerca dos aspectos máis íntimos das súas vidas, liberándolles dunha carga de confidencialidade e vergoña nunha sociedade na que as prácticas sexuais estaban maioritariamente agochadas. O seu traballo provocou un dos debates culturais máis intensos do século pasado, no que as chamas perduran aínda hoxe.

Datos do filme

Cartel en galego