1984 (1984)

O futuro, ano 1984. Winston Smith (John Hurt) soporta unha abxecta existencia baixo a continua vixilancia das autoridades na Oceanía totalitaria. Non obstante, a súa vida convértese nun pesadelo cando proba o amor prohibido e comete o crime de pensar libremente. Enviado ao sinistro "Ministerio do Amor", encóntrase a mercé de O'Brien (Richard Burton), un cruel oficial decidido a dominar os seus pensamentos... e a dobregar a súa vontade.

Datos do filme

Cartel en galego

2001: UNHA ODISEA DO ESPAZO

2001: A SPACE ODYSSEY (1968)

Este filme narra os diversos períodos da historia da humanidade, non só do pasado, senón tamén do futuro. Hai millóns de anos, antes da aparición do "homo sapiens", uns primates descobren un monolito que os conduce a un estadio de intelixencia superior. Millóns de anos despois, outro monolito, enterrado nunha lúa, esperta o interese dos científicos. Por último, durante unha misión da NASA, HAL 9000, unha máquina dotada de intelixencia artificial, encárgase de controlar todos os sistemas dunha nave espacial tripulada.

Cartel en galego

2012 (2009)

O calendario maia predí que o fin do mundo se producirá no ano 2012, no medio das máis diversas catástrofes naturais: erupcións volcánicas, tifóns, glaciares que inundarán o planeta. A heroica loita dos superviventes constitúe a trama. Vai acontecer todo o que os maias predixeron?...

Datos do filme

 2013 RESCATE EN L.A.

ESCAPE FROM LA. (1995) 

Snake Plissken (Kurt Russell) está de regreso nunha aventura estraña cos aires da serie B e do vello Oeste. O filme é ademais un caldeiro de críticas e ironía que o director Carpenter sempre tendeu a plasmar nos seus traballos. Vemos como Los Ángeles é un antro de seres baleiros e famentos de poder cuxo líder ten un aspecto moi similar ao do Che Guevara. Á vez, o goberno dos Estados Unidos é de corte netamente autoritario, cun presidente demagóxico e ultracatólico.

Datos do filme

Cartel en galego