A ANDRÓMENA

LE BOULET (2012)

Comedia de acción, leas e puñazos de comicidade non axeitada para almas sensíbeis. Despois dunha redada, o perigoso Moltes é detido pola policía. Unha vez no cárcere, coñece un celador ao que lle entrega un bonoloto para selar. 

Datos do filme

Cartel en galego

Cartel en portugués

A FESTA DA CERVEXA

BEERFEST (2006)

Os irmáns Todd e Jan Wolfthouse viaxan a Alemaña co fin de esparexer as cinzas do seu avó en Múnic. No país xermano descobren de xeito accidental unhas olimpíadas secretas de bebedores de cervexa na que participan competindo cos seus rudos curmáns, a rama alemá da familia, e sofren unha humillante derrota. Jan e Todd volven ao seu país decididos a formar un grande equipo de bebedores para regresar un ano despois á Beerfest, a Festa da Cervexa. A competición acaba converténdose non só nun enfrontamento en defensa da honra familiar, senón nun enfrontamento entre Alemaña e os Estados Unidos.

Datos do filme       Trailer/vídeo

Cartel en galego

A FONTE DAS MULLERES

LA SOURCE DES FEMMES/THE SOURCE (2011)

Nun pequeno pobo de Oriente Medio, a tradición esixe que as mulleres vaian buscar auga, baixo un sol ardente, á fonte que nace no cume dunha montaña. Leila, unha moza casada, propón ás demais mulleres unha folga de sexo: non manterán relacións sexuais ata que os homes colaboren con elas no transporte da auga ata a aldea.

Datos do filme       Trailer/vídeo

Cartel en galego

A GRAN PELEXA

ANY WHICH WAY YOU CAN (1980)

Un duro camioneiro, Philo Beddoe (Clint Eastwood), acompañado sempre do seu orangután Clyde, proporciona boas ganancias aos seus amigos cando apostan por el nas pelexas nas que participa continuamente. Farto de dar e recibir golpes, decide retirarse; non será posíbel: un ganster necesítao para un combate no que gañe ou perda recibirá vinte e cinco mil dólares. Ao negarse, secuestran a súa noiva para obrigalo a continuar co combate.

Clint Eastwood

Datos do filme

Cartel en galego

AMOR, ESTÚPIDO E TOLO

CRAZY, STUPID, LOVE (2011)

Cal Weaver (Steve Carell), corentón e puritano, ten unha vida perfecta: un bo traballo, unha fermosa casa, uns fillos marabillosos e está casado coa súa noiva desde a adolescencia. Con todo, cando sabe que a súa esposa (Julianne Moore) o traizoou quere o divorcio e toda a súa vida se desfai.

Cartel en galego

ASÍ É A VIDA

LIFE AS WE KNOW IT (2010)

Trala morte en accidente dos seus mellores amigos, Holly Berenson (Katherine Heigl) e Eric Messer (Josh Duhamel), os dous solteiros, terán que coidar da súa filla. Holly é a responsábel dun servizo de catering, e Eric traballa en televisión como xornalista deportivo. Aínda que non simpatizan en absoluto, cando a nena queda orfa, veranse obrigados a esquecer as súas diferenzas mentres vivan baixo o mesmo teito.

Datos do filme

AS TOLAS, TOLAS AVENTURAS DE ROBIN HOOD

ROBIN HOOD: MEN IN TIGHTS (1993)

A historia estándar de Robin Hood: o malvado príncipe Xan está oprimindo ao pobo mentres o rei Ricardo está lonxe nas Cruzadas. Robin róuballe aos recadadores, gaña unha competición de tiro con arco, derrota ao Shériff e rescata a Lady Marian.