A GAÑAR!

THE MIRACLE SEASON (2018)

Inspirada na historia real do equipo de voleibol feminino de West High School. Trala tráxica morte da xogadora estrela da escola, Caroline 'Line' Found, as xogadoras restantes deberán unirse baixo a dirección da súa dura adestradora coa esperanza de gañar o campionato estatal.

A LENDA DO INDOMABLE

COOL HAND LUKE (1967)

O arroutado Luke Jackson (Paul Newman) é condenado a dous anos de traballos forzados por romper, en plena borracheira, un poste de aparcadoiro. A vida no cárcere é durísima, con compañeiros castigados a penas moito maiores, e a violencia, en presos e carcereiros, un hábito do que ninguén pode prescindir. Luke, veterano de guerra, non está disposto a ceder. Pero terá que pagar un prezo pola súa pretensión de seguir sendo el mesmo.

Datos do filme

Cartel en galego

A NOIVA DE MEDIANOITE

LA NOVIA DE MEDIANOCHE (1997)

Unha acomodada muller dúas veces viúva, vive coa súa familia e dous criados nun umbrío pazo na Galicia de finais do século XIX illada do mundo para ocultar un grave suceso acontecido no seo familiar dez anos antes. Este acontecemento ten sometida á familia a certas chantaxes das que se verán liberados grazas á chegada á mansión de dous forasteiros que desencadean o esclarecemento dos feitos e un cambio na futura vida familiar.

Datos do filme      Trailer/vídeo

AS TARTARUGAS TAMÉN VOAN

LAKPOSHTHA HÂM PARVAZ MIKONAND (2004)

Os habitantes dun campo de refuxiados do Kurdistán iraquí buscan desacougadamente unha antena parabólica para coñecer as novas da invasión americana que está a piques de ocorrer. Os nenos do campamento, dirixidos por un rapaz ao que chaman "Satélite", adícanse á recollida e venda de minas antipersoa. Novos refuxiados chegan ao lugar: un mozo eivado, a súa irmá e un neno pequeno. Satélite ficará cativado pola triste beleza da moza.

Datos do filme      Trailer/vídeo

Cartel en galego

 AS VIÚVAS DO MAR (2004)

Cinco viúvas moi diferentes que se erguen, que desenvolven as súas vidas e as rescatan despois de derrubarse o seu mundo perdido no fondo do mar, unidas pola traxedia dun naufraxio onde os seus homes perderan a vida. Na vila mariñeira de Sada, cinco mulleres moi distintas crean xuntas a vida despois do naufraxio na vila de Sada. Filme piloto dunha serie da TVG.

Miguel de Lira ,

Datos do filme

CIDADE DE DEUS (2002)

Filme baseado en feitos reais. Todo comeza a finais dos sesenta, cando Buscapé ten 11 anos e é só un neno máis en Cidade de Deus, un suburbio de Río de Janeiro. Tímido e delicado, observa os nenos duros do seu rueiro. Xa sabe o que quere ser se consegue sobrevivir: fotógrafo. Dadinho, un neno da súa mesma idade, trasládase ao barrio. Soña con ser o criminal máis perigoso de Río de Janeiro e empeza a súa aprendizaxe facendo recados para os delincuentes locais...

Trailer/vídeo