A BELA OTERO

LA BELLA OTERO (2007)

Miniserie de dous episodios. Nada no seo dunha familia humilde de campesiños galegos, Carolina Otero, aos dez anos, decide fuxir da súa casa, tras sufrir unha agresión sexual. Na súa particular busca da felicidade e do éxito, viaxa por países como Francia, Estados Unidos ou Rusia, gañándose a vida como bailarina exótica co nome artístico da "Bella Otero". No seu afán de ascender na escala social, chegou a ser a amante de personaxes moi influentes e podentes. A súa auténtica identidade, idade e procedencia constitúen aínda hoxe un misterio que ela mesma se encargou de alimentar.

Datos do filme

Cartel en galego

A COR DO PARAÍSO

RANG-E KHODA / THE COLOR OF PARADISE (1999)

Mohammad (Mohsen Ramezani) é un rapaz cego que estuda nun instituto especial en Teherán, onde aprende braille. Cando chegan as vacacións de verán regresa co seu pai Hashem (Hossein Mahjub) ao seu pobo natal onde se reencontra coas súas dúas irmás e a súa avoa (Salime Feizi). Mohammad é un rapaz moi sensíbel que se atopa no pleno desenvolvemento da lectura dos sons e do uso do tacto.

Cartel en portugués

CADEA PERPETUA

THE SHAWSHANK REDEMTION (1994)

Acusado do asasinato da súa muller, Andrew Dufresne, tras ser condenado a cadea perpetua, é enviado ao cárcere de Shawshank. Co paso dos anos conseguirá gañarse a confianza do director do centro e o respecto dos seus compañeiros de prisión, especialmente de Red, o xefe da mafia dos subornos.

Cartel en galego

CONTO DE NADAL.COM

CONTE DE NADAL@.CAT (2010)

Unha noite de Nadal, Xosé, que antes facía de carpinteiro, atopa unha rapaza inmigrante sen papeis e fuxitiva, que acaba de dar a luz preto da barraca na que o home fai de vixilante nocturno dunhas obras. Xosé fai entrar a rapaza e a criatura dentro da barraca e, mentres tenta axudalos, encóntrase metido, sen saber como, no medio dunha trama criminal que acabará dando pé a un pequeno milagre do Nadal.

Pepo Suevos 

Datos do filme

ALI (2001)

Muhammad Ali, chamado antes de converterse ao islam Cassius Clay, transformou para sempre a vida de moitos americanos. Belinda, a súa muller; Angelo Dundee, o seu adestrador; Brew Brown, o seu conselleiro; Howard Bingham, o seu fotógrafo e biógrafo; e Fernie Pacheco, o seu doutor, todos personaxes moi próximos ao boxeador, foron testemuñas de excepción do seu comportamento arriscado e das súas accións fóra do común.  O filme narra a vida, tanto do home coma do campión, dende os seus comezos ata a gran pelexa contra Foreman en 1974.

Will Smith

Datos do filme

AUTOPSIA (2003)

Un xornalista novo (Jesús Cabrero) investiga dous asasinatos sen resolver. Ao implicarse coa atractiva irmá dunha das vítimas, involucrarase aínda máis nos casos. Filme dramático de intriga feito para televisón.

Datos do filme     Trailer/vídeo