A HORA DAS PISTOLAS

HOUR OF THE GUN (1967)

A mañá do 26 de outubro de 1891 a vila de Tombstone (Arizona) é marco dun enfrontamento histórico: o shériff e o seu axudante contra os irmáns Clanton. O resultado son dous mortos da familia dos Clanton e tres feridos. O pai, que sae ileso, foxe e reclama vinganza.

Datos do filme

A PRADERÍA SEN LEI

MAN WITHOUT A STAR (1955)

Dempsey Rae (Kirk Douglas) decide marcharse de Kansas City cara a Wyoming onde espera ter novos aires para a súa atormentada existencia. No tren no que viaxa como polisón, farase amigo do mozo Jeff Jimson (William Campbell), a quen chamarán "Texas" cando comecen a traballar no rancho de Strap Davis. Despois comezarán os problemas cando a nova propietaria xa é Reed Bowman (Jeanne Crain) unha bela e ambiciosa muller que segue pensando que a auga e o pasto son de todos e non está disposta a respectar os aramados de ninguén.

Datos do filme

Cartel en galego

A SOGA DA FORCA

CAHILL U.S.MARSHAL (1973)

O xefe de policía de Valentine investiga un espectacular asalto a un banco no pobo,durante o cal foron asasinados o sheriff e o seu axudante. Cahill, o seu fillo eu un comanche que é un grande rastrexador, percorren o territorio na busca dos asaltantes.

Datos do filme

Cartel en galego

BO DÍA PARA A FORCA

GOOD DAY FOR A HANGING (1959)

Uns foraxidos son perseguidos despois de roubar un banco. Na persecución matan o marshal e cae ferido Eddie, mozo pertencente á banda, a quen Ben acusa do asasinato. O pobo pídelle a Ben que ocupe o lugar do marshal, este acepta o posto e organiza o xuízo. Eddie é declarado culpable e condenado a morrer na forca, ao que se opón Laurie, filla de Ben, quen noutro tempo estivera namorada do rapaz. Esta non cre que sexa quen de matar, polo que mesmo tenta axudalo a fuxir. 

Datos do filme

COLT 45 (1950)

Steve Farrell, vendedor dos colt 45, é acusado de complicidade cuns foraxidos que lle roubaran o seu estoxo cos revólveres. Cando queda en liberdade, disponse a buscar os ladróns, que ademais son buscados pola xustiza que ofrece unha forte recompensa...

Cartel en galego

COMETERON DOUS ERROS

HANG´EM HIGH (1967)

Jed Cooper vai ser aforcado acusado de roubar gando. Nos derradeiros intres, é salvado por un comisario ás ordes do Xuiz Fentom. Despois de recomendarlle que esqueza o que alí sucedeu, o Xuiz Fentom ofrécelle traballo como comisario do territorio. Cooper, marcado por unha cicatriz da soga, non dubida en usar o seu novo traballo para ir na procura daqueles que o quixeron aforcar.

Clint Eastwood

Datos do filme

Cartel en galego