O DESTINO TAMÉN XOGA

A BIG HAND FOR THE LITTLE LADY (1966)

Meredith, Mary e o seu fillo fan un alto na súa viaxe e quedan nun hotel de Laredo. Xogadores de todas as partes, incluíndo o multimillonario Henry Drummond, reúnense alí para participar na partida de póker máis importante do Oeste. Malia as recomendacións da súa muller, Meredith cae na tentación do xogo e perde todos os aforros familiares. De súpeto, sofre un ataque cardíaco, de modo que será Mary a encargada de rematar a partida. Están en xogo 20.000 dólares!

Cartel en galego

O SARXENTO NEGRO

SERGEANT RUTLEDGE (1960)

O lugartenente do 9º de Cabalería Thomas Cantrell enfróntase cun proceso legal máis duro que calquera das batallas en que se enfrontara aos apaches. Preséntase voluntario para defender nun consello de guerra o sarxento Braxton Rutledge, sarxento negro acusado de violar e asasinar unha rapaza de 16 anos e de lle disparar a seu pai, o maior Dabney, oficial ao mando do forte.