DANIEL O FEDELLO 

DENNIS THE MENACE (1993)

Daniel é un rapaciño moi intelixente, trasno e inquedo, que continuamente está metido en leas, unhas veces de xeito intencionado e outras por pura casualidade. O seu veciño, o xubilado señor Wilson, é a súa vítima na maior parte das súas trasnadas.

Walter Matthau

Cartel en portugués

DANIEL O FEDELLO ATACA OUTRA VEZ

DENNIS THE MENACE STRIKES AGAIN (1998)

O señor Johnson, tan perigoso coma o seu neto Daniel, trasládase temporalmente ó domicilio dos seus fillos porque considera que non lle adica ó neno o tempo necesario. Xuntos, avó e neto, forman unha combinación tan estoupante que o pobre señor Wilson chega a pensar en mudarse a unha cidade diferente. 

Cartel en galego

DIARIO DUN EXECUTIVO AGRESIVO

MAN ABOUT TOWN (2006)

O mellor cazatalentos de Los Ángeles, Jack Giamoro, semella telo todo: unha carreira de éxito, diñeiro e unha muller fermosa. Mais sinte que lle falta algo, e por iso, apúntase a clases de creación literaria para deprender a escribir un diario e explorar dese xeito os seus sentimentos. Ó escribir o seu diario, Jack comeza a reconsiderar a súa vida, ...

Datos do filme

DI QUE SI

YES MAN (2008)

Carl Allen (Jim Carrey) é un home que se apunta a un programa de autoaxuda que se basea no principio de dicir que "si" a calquera cousa... Ao principio, liberando o poder do "si", a vida de Carl transfórmase de forma inesperada e emocionante, pero axiña descobre que iso ten unhas desvantaxes.

Jim Carrey

Datos do filme      Trailer/vídeo

Cartel en galego

DOUS MISIONEIROS

TWO MISSIONARIES (1974)

Bud Spencer e Terence Hill dan vida a dous particulares "misioneiros" que viven nunha paradisíaca illa, e póñense do lado dos nativos desta cando un pouco escrupuloso gobernador pretende desaloxala para utilizala en beneficio dos seus escuros intereses.

Datos do filme      Trailer/vídeo

ESCOLA DE ROCK

SCHOOL OF ROCK (2003)

Dewey Finn (Jack Black) é un guitarrista con delirios de grandeza que é expulsado da súa banda. Desesperado por atopar un traballo, pois carece de diñeiro, decide suplantar a identidade dun profesor substituto para dar clase nunha escola privada a alumnos de 5º grao aos que intentará ensinarlles o " rock & roll de alta voltaxe". Ademais, entre os seus nenos está Yuki, un guitarrista prodixio de nove anos que pode axudarlle a gañar a competición de bandas de música e, de paso, solucionar os seus problemas económicos.

Datos do filme      Trailer/vídeo

Cartel en galego