DÁLLE ESTOPA QUE É FRANCESA

 SLAP HER...SHE´S FRENCH (2002)

Starla Grady (Jane McGregor) é a raíña da festa e xefa do equipo de animadoras do instituto. Nada pode interpoñerse entre Starla e o seu soño de converterse na presentadora máis popular da TV. Nada nin ninguén, é dicir, ata que unha estudante francesa en intercambio ameaza con destruír o seu equilibrio. A rapaza axiña demostra ser unha astuta adversaria, calculadora e desapiadada. Mentres a desprevida Starla tenta axudarlle a integrarse na súa familia e grupo de amizades, a súa traidora rival primeiro quítalle ao seu noivo, logo o súa coroa e mesmo o amor da súa familia. 

Datos do filme

Cartel en galego

DOUS PIRADOS E MOITAS CURVAS

 THE DUKES OF HAZZARD  (2005)

Bo e Luke Duke son curmáns amantes da troula e da velocidade. Eles están de novo na estrada acompañados pola tamén curmá Daisy Duke, orgullosa de ter os shorts máis curtos de todo o Sur do país. Eles obterán probas de que as propiedades dos seus veciños están sendo confiscadas de xeito ilegal polo criminoso comisionado Boss Hogg.

Datos do filme       Trailer/vídeo

Cartel en galego

DOUS PIRADOS E MOITAS CURVAS: O COMEZO

 THE DUKES OF HAZZARD: THE BEGINNING  (2007)

Os curmáns Bo e Luke son dous mozos adictos á esmorga e á velocidade, e con grande facilidade para meterse en todo tipo de leas. Co fin de que senten a cabeza, os seus pais envíanos a traballar durante todo o verán á granxa do seu tío Jesse, en Hazzard. Os mozos non tardan en darse conta de que Boss Hoss, o home máis podente do condado, pretende facerse coa granxa do tío Jesse. Coa axuda da súa curmá Daisy, os curmáns Duke farán todo o posíbel para truncar os plans de Boss Hoss...

Datos do filme

DR. HORRIBLE´S SING-ALONG BLOG (2008)

Musical de Joss Whedon, coñecido creador de series como Buffy Cazavampiros e Firefly. Trátase do  blogue musical do dr. Horríbel que narra, en tres actos, a historia dun Doutor (Neil Patrick Harris), un científico vilán de pouca monta e o seu némese, o Capitán Hammer (Nathan Fillion). O Dr. Horrible ingresa na Malvada Liga do Mal onde coñecerá a Penny (Felicia Day). Formada por 3 episodios duns quince minutos cada un.

Datos do filme

  DURO DE PELAR

EVERY WHICH WAY BUT LOOSE (1978)

Phil é un camioneiro que lle entusiasman a cervexa fría, a música country e facerse respectar mediante os seus puños. Phil, que se fai acompañar por un orangután que gañou nunha aposta, está namorado dunha cantante chamada Lynn, mais ela non che vos quere ningún compromiso serio.

Clint Eastwood

Datos do filme

Cartel en galego