DAMAS DE FERRO

TERÄSLEIDIT (2020)

Inkeri ten 75 anos e está planeando enterrar o seu home, a quen acaba de matar dun tixolazo no xardín da súa casa. Cando se decata de que vai pasar o resto da súa vida no cárcere, lánzase nunha tola e última viaxe coas súas irmás Sylvi e Raili.

ESPECIAIS

HORS NORMES (2019)

Bruno e Malik son dous amigos que durante 20 anos viviron nun mundo diferente: o dos nenos e adolescentes autistas. A cargo de dúas organizacións sen ánimo de lucro, forman mozos para que sexan coidadores de casos extremos. Deste xeito crean unha asociación excepcional, fóra das contornas tradicionais, para unhas persoas extraordinarias.

Cartel en galego

 EU, TONYA

I, TONYA  (2017)

Década de 1990. Tonya Harding é unha prometedora patinadora sobre xeo estadounidense, unha moza de clase obreira, sempre baixo a sombra da súa implacable e insensible nai, pero cun talento innato capaz de facer un triplo Axel en competición. En 1994, a súa principal rival para os Xogos Olímpicos de inverno é a súa compatriota Nancy Kerrigan, á que, pouco antes dos Xogos, un matón a soldo lle golpea o nocello cunha barra de ferro. As sospeitas recaeron no entorno de Tonya, o que supuxo o comezo do fin da súa carreira.

Cartel en portugués

FRED CLAUS, O IRMÁN MOINANTE DE SANTA CLAUS

FRED CLAUS (2007)

Logo de vivir toda a súa vida baixo a gran sombra do seu irmán pequeno, Fred Claus (Vince Vaughn) é obrigado a irse a vivir ao Polo Norte a traballar co seu irmán Nicolás, Santa Claus (Paul Giamatti).

Cartel en galego