GALATASARAY-DÉPOR

ONE DAY IN EUROPE (2005)

A fita narra catro sucesos similares que acontecen o mesmo día (o da final da Champions League entre o Galatasaray de Istanbul e o Deportivo Da coruña), ao mesmo tempo, en catro cidades de Europa. En concreto, trátase de senllos roubos de equipaxe que sofren unha muller de negocios en Moscova, un peregrino húngaro en Santiago, un excursionista en Istanbul e unha parella francesa en Berlín, e os problemas que ese feito lles causa debido ás diferenzas de lingua.

Luis Tosar , Miguel de Lira , Xosé Olveira "Pico"

Datos do filme

Cartel en galego

HOLLYWOOD, DEPARTAMENTO DE HOMICIDIOS

HOLLYWOOD HOMICIDE (2003)

Dous axentes do departamento de policía dos Ánxeles están a levar a cabo as investigacións sobre os asasinatos dunha coñecida banda de rapeiros. Gavilan, desilusionado á vez que tenaz, está no cumio da súa carreira profesional, pero a súa vida persoal estase a vir abaixo. Gaña tamén a vida como axente inmobiliario. O seu novo compañeiro, Calden, semella estar máis interesado na súa actividade como instrutor de ioga e as súas aspiracións a actor, que na importan te investigación que están a levar a cabo. Por outra parte, o mozo quedara bastante traumatizado pola estraña morte do seu pai, que tamén era policía.

HORA PUNTA

RUSH HOUR (1998)

O detective inspector Lee (Jackie Chan) é o rei das artes marciais e pertence á Royal Hong Kong Police. A súa pupila preferida é a filla de once anos do Cónsul chinés, da cal o inspector Lee é o seu gardacostas e o seu mellor amigo. A rapaza capturana e levana aos Estados Unidos un perigoso grupo criminal. Ata alí terá que viaxar o inspector, onde se unirá ao detective James Carter (Tucker), un arrogante e arroutado axente de policía. Contarán coa axuda de Tania Johnson (Elizabeth Peña), unha experta en artefactos explosivos.

Datos do filme

  HOT SHOTS! 2

HOT SHOTS! PART DEUX (1993)

Topper Harley é atopado traballando nun mosteiro budista. A CIA precisa del pra encabezar unha misión de rescate en Irak: rescatar á misión de rescate que tiña que rescatar a uns cautivos da operación tormenta do deserto. Tug Benson, o presidente dos EUA terá un importante papel en todo o asunto.

Datos do filme

  INTOCABLE

INTOUCHABLES (2011)

Philippe, un aristócrata que se quedou tetrapléxico a causa dun accidente de parapente, contrata como coidador a domicilio a Driss, un inmigrante dun barrio marxinal recén saído do cárcere. Aínda que, á primeira vista, non parece a persoa máis indicada, os dous rematan logrando que convivan Vivaldi e Earth Wind and Fire, a elocuencia e a hilaridade, os traxes de etiqueta e o chándal. Dous mundos enfrontados que, pouco a pouco, conxenían ata forxar unha amizade tan disparatada, divertida e sólida como inesperada, unha relación única na súa especie da que saltan faíscas.

Datos do filme      Trailer/vídeo

Cartel en galego