O INTERNADO DE SAINT TRINIAN

ST. TRINIAN´S (2007)

Saint Trinian, unha escola especial para rapazas novas, está en crise financeira. O banco está ameazando con fechar a escola e Camilla Fritton (Rupert Everett), a directora, vai ter que loitar contra o ministro da Educación Geoffrey Thwaits (Colin Firth), que quere impor un pouco de disciplina neste anárquico sistema de ensino. Mais Saint Trinian posue mozas espertas, determinadas e sen medo de defender a escola con uñas e dentes.

Datos do filme

 O PENALTI MÁIS LONGO DO MUNDO

EL PENALTI MÁS LARGO DEL MUNDO (2005)

Fernando é un perdedor sen ambición. Cando non traballa, é porteiro suplente dun equipo de fútbol de terceira rexional. En toda a tempada non xogou nin un só minuto. Pero o derradeiro domingo da liga, o árbitro sinala penalti e o porteiro titular máncase. Fernando ten que ocupar a portería. Se para o penalti, o equipo do barrio proclamarase campión e subirá de categoría. Cando o penalti está a piques de lanzarse, un grupo de siareiros indignados co árbitro invaden o campo e impiden que remate o partido. O comité de competición decide que o penalti debe lanzarse o seguinte domingo sen público...

Datos do filme

Cartel en galego

OS DEUSES DEBEN ESTAR TOLOS

THE GODS MUST BE CRAZY (1980)

Os Bushman son unha simpática e apracíbel tribo africana que vive harmoniosamente lonxe da civilización. Un día, Xi, un dos seus membros, recolle na chaira unha botella baleira dun refresco de Coca-cola. Pensando que se trata dun agasallo dos deuses, lévaa á tribo. O estraño obxecto, cobizado por todos, rematará por romper a paz que reinaba entre os Bushman.

Datos do filme      Trailer/vídeo

OS FEOS TAMÉN MOLLAN

THE NEW GUY (2002)

Durante a súa estadía na cadea por unha morea de falcatruadas na súa antiga escola, Dizzy deprendeu a arte da intimidación, e outras cousas útiles do seu compañeiro Lutero. Este dúo xunta forzas para transformar o desastre Dizzy no moderno Gil Harris.

Datos do filme

O XOGO DA VERDADE

EL JUEGO DE LA VERDAD (2004)

O xogo da verdade é unha comedia de enredo que conta as aventuras máis ou menos cotiás de dúas parellas de amigos que acaban de entrar na trintena. Unha serie de circunstancias casuais fará que afloren vellas retesías e dese xeito, por primeira vez, diranse as verdades á cara.

Datos do filme

Cartel en galego

PADDINGTON 2 (2017)

O oso Paddington xa está felizmente integrado en casa da familia Brown. Converteuse ademais nun membro moi popular da comunidade de Windsor Gardens. A súa tía Lucy cumpre cen anos e el ten o agasallo perfecto para ela: un marabilloso libro emerxente da tenda de antigüidades de Mr. Gruber. Para poder comprar o libro, Paddington decidirá realizar unha serie de estraños traballos. Pero todo complícase cando o libro é roubado.