O CÍRCULO DE LUME

SHOOT OUT (1971)

Tras cumprir sete anos de condena, Clay Lomax (Gregory Peck), un ladrón de bancos, sae do cárcere cunha soa idea: vingarse da traizón do seu socio Sam Foley (James Gregory). Foley, agora un rico rancheiro, que imaxina as intencións de Lomax, contrata tres pistoleiros para que o vixíen de preto. Pero os plans de Lomax toman un xiro inesperado, cando ten que facerse cargo dunha orfa de seis anos, filla dunha amiga súa que morreu, e levala consigo.

Datos do filme

O DESERTOR DO ÁLAMO

THE MAN FROM THE ALAMO (1953)

Ao forte Do Álamo, asediado polas tropas do xeneral Santa Anna, chega o tenente Lamar cunha mensaxe do xeneral Huston, no que se ordena á gornición resistir custe o que custe. O comandante fai saber á gornición que que non estea disposto a resistir ata a fin poderá marcharse con toda liberdade. John Stroud aproveita a ocasión para saír da praza asediada.

Datos do filme

Cartel en galego

O RIFLE E A BIBLIA

ROOSTER COGBURN (1975)

Rooster Cogburn, un sherif bebedor e en decadencia (Wayne), é despoxado da súa placa polo xuíz federal Parker, que o acusa de exceso de celo na busca e captura de foraxidos. Mais, axiña, o propio Parker confíalle unha nova misión: capturar a banda de Hawk, que roubou nitroglicerina ao exército. Polo camiño, Rooster encóntrase cunha ríxida e adusta misioneira (K Hepburn), cuxo pai foi asasinado por Hawk. Xuntos deciden capturar os foraxidos.

Datos do filme

OS SETE MAGNÍFICOS

THE MAGNIFICENT SEVEN (1960)

Os humildes habitantes dun pobo mexicano, que viven modestamente da agricultura, áchanse a mercé dunha desapiadada banda de foraxidos que a miúdo lles esixen un pagamento polas súas colleitas. Como eles non son quen de defenderse, deciden contratar os servizos de sete pistoleiros, sete implacábeis mercenarios, cada un cunha habilidade especial no manexo das armas.

Datos do filme

Cartel en galego

Cartel en portugués

O VAL DO FUXITIVO

TELL THEM WILLIE BOY IS HERE (1969)

Nunha América aínda chea de pioneiros, Willie Boy, un indio de comezos do pasado século, mata accidentalmente ó pai da súa noiva e provoca con este feito a implacábel persecución do shériff Cooper (Redford), xa que foxe da xustiza. Western de argumento sinxelo que destacou por reflectir o punto de vista dos indios.