SALTAR POLO AIRE

BLOWN AWAY (1994)

Boston sofre unha conmoción por unha explosión de tal ferocidade que deixa sen alento mesmo os membros máis duros da brigada antiexplosivos. Todas as probas apuntan ao terrorista máis temíbel e hábil ao que se enfrontaron nunca. Ao mesmo tempo, Jimmy Dove, un veterano policía da brigada de artificieiros, exerce como profesor dos mozos que se incorporan ao departamento. Días despois de deixar o posto, o seu substituto é asasinado por unha bomba, polo que Dove empeza a investigar o sucedido..

Datos do filme 

SAN ANDREAS (2015)

A falla de Santo André desencadea un terremoto de magnitude 9 en California. Ante esta catástrofe, o piloto de helicópteros de rescate Ray e a súa ex-muller Emma viaxan xuntos desde Los Ángeles até San Francisco para salvar a súa única filla, Blake . Os vínculos dos protagonistas veranse reforzados nun escenario desolador. Asemade, os científicos do Caltech (Instituto tecnolóxico de California) avanzan nun estudo que permitirá predicir os terremotos.

SEMPRE AO TEU LADO (HACHIKO)

HACHIKO: A DOG´S STORY (2008)

Parker Wilson, un profesor universitario que dá clases de música, recolle un día a un can de orixe xaponesa e raza Akita, ao que encontra abandonado nunha estación. Parker vai descubrindo entón os entrañábeis lazos que poden unir unha persoa e un animal. Remake da película xaponesa "Hachiko monogatari" (1987) dirixida por Seijirô Kôyama e baseada na historia real dun can tan fiel ao seu dono que ía esperalo todos os días á estación. Actualmente, nesa estación, existe unha estatua de bronce erixida na súa honra.

Richard Gere

Datos do filme

SOÑOS DE XORNALISTA

KIT KITTREDGE:AN AMERICAN GIRL (2008)

Kit Kittredge (Abigail Breslin) soña con poder escribir e publicar os seus textos no xornal local. Ademais de realizar un soño, a nena ve niso o xeito de axudar á súa familia, que non pasa polo seu mellor momento. Kit é unha intelixente e enxeñosa nena de 10 anos que crece nos primeiros anos da Gran Depresión. Fantasiosa, amigábel e decicida, a futura xornalista vivirá unha chea de vivencias e aventuras.

Datos do filme

Cartel en galego

STREET FIGHTER - A LENDA DE CHUN-LI

STREET FIGHTER - THE LEGEND OF CHUN-LI (2009)

Sendo só unha nena, Chun-Li (Kristin Kreuk) ve como o seu pai é secuestrado. Dez anos despois, recibe a visita de Gen (Robin Shou), un antigo delincuente reconvertido en defensor dos máis débiles. Este revelaralle que o seu pai está en mans de Bison (Neal McDonough), un perigoso criminal. Gen ofrecerase a adestrar a Chun-Li para que poida enfrontarse a Bison e rescatar ao seu pai.

Datos do filme

 S.W.A.T.- OS HOMES DE HARRELSON

S.W.A.T. (2003)

Jim Street (Colin Farrell) é un axente de policía dos Ánxeles que busca desacougado unha oportunidade de vestir o uniforme dos S.W.A.T. A ocasión chégalle cando Hondo, o xefe do comando,recibe a orde de reclutar a cinco policías para o corpo.Tras semanas de riguroso entrenamento, o novo equipo entra en acción: Un notorio capo da droga, ofrece cen millóns de dolares a quen o libere do control policial. Mentres custodian ó detenido, os S.W.A.T. son perseguidos por unha implacable e ben armada banda de mercenarios.

Datos do filme