RESACÓN NAS VEGAS

THE HANGOVER (2009)

Historia dunha desfasada despedida de solteiro na que o noivo e tres amigos móntanse unha gran esmorga nas Vegas. Como era de agardar, á mañá seguinte teñen unha resaca tan monumental que non poden lembrar nada do ocorrido a noite anterior. O máis extraordinario é que o noivo desapareceu e na suite do hotel atópase un tigre e un meniño.

Datos do filme

Cartel en portugués

SAÍDOS DE CONTAS

DUE DATE (2010)

Peter Highman (Robert Downey Jr.), un serio arquitecto que está a piques de ser pai, terá que cruzar todo o país, dende Atlanta ata Los Ángeles, para asistir ao nacemento do seu primeiro fillo, mais tamén terá que soportar un excéntrico compañeiro de viaxe (Zach Galifianakis).

Datos do filme

Cartel en galego

Cartel en portugués

SEMPRE HABANA

SIEMPRE HABANA (2006)

Ignacio e Tomasiño, tío e sobriño, que viven no pazo familiar, entéranse de que o avó lle deixara o pazo e as terras á Luz Divina, unha curmá cubana de Ignacio. Argallan un plan para recuperar as propiedades, pero as cousas non saen como esperaban. Convidan á curmá a Galicia, facéndolle crer que son terratenentes, nobres e benefactores. Finalmente, eles viaxan á Habana coa desculpa de levarlle as cinzas do avó. Pola súa parte, Luz Divina fixéralles crer non só que é catedrática na Universidade da Habana.

Datos do filme      Trailer/vídeo

  SNATCH, COCHOS E DIAMANTES

SNATCH (2000)

Franky é un ladrón de diamantes que ten que entregar unha enorme peza ao seu xefe Avi, pero no camiño é tentado por Boris para apostar nun combate de boxeo ilegal. En realidade é unha trampa para atracalo, polo que cando Avi se entera, contrata a Tony para atopar a Franky mailo diamante. Axiña se descobre o triste destino de Franky, a partir daí os máis variopintos personaxes loitan con todo tipo de armas, traizóns e enganos para atopar a valiosa xema.

Brad Pitt , Benicio del Toro

Datos do filme      Trailer/vídeo

SUPERAXENTE 86

GET SMART (2008)

Adaptación da serie homónima de televisión dos anos 60, interpretada por Don Adams e Barbara Feldon. O despistado e atordado Superaxente 86 (Steve Carell) da axencia de intelixencia gobernamental C.O.N.T.R.O.L. loita contra as forzas do mal encarnadas pola axencia rival K.A.O.S. A súa inseparábel compañeira é a axente 99.

Datos do filme