SHORTS: A PEDRA MÁXICA

SHORTS: THE ADVENTURES OF THE WISHING ROCK (2009)

Filme de fantasía dirixido a un público novo e aventureiro. Black Box é unha empresa na que traballa case toda a xente que vive nos arredores da cidade, rueiros grises e rutineiros.  Un día prodúcese un gran balbordo cando un neno bate a súa cachola nunha pedra que contén todas as cores do arco da vella e que concede desexos. Que será o que vai acontecer? ...

Datos do filme

Cartel en galego

TERMINATOR

 THE TERMINATOR (1984)

No ano 2029 as supercomputadoras xigantes dominan o planeta, cun só obxectivo: exterminar á raza humana. Para destruír o futuro da humanidade, alterando o seu pasado, un indestrutíbel cyborg, un "Terminator", é mandado a través do tempo para matar a Sarah Connor (Linda Hamilton), a muller que enxendrará o único home que é quen de salvar a humanidade. Poderá protexerse Sarah a si mesma desta ameaza, salvando á súa vez a vida do seu fillo? Ou extinguirase a raza humana por mor dun anaco de metal mutante?

Datos do filme

TERMINATOR 2: O XUIZO FINAL

TERMINATOR 2: JUDGMENT DAY (1991)

nos atrás, un viaxeiro do tempo reveloulle a Sarah Connor que o seu fillo ía ser o salvador da humanidade nun futuro dominado por máquinas comandadas por Skynet. Do futuro tamén viñera unha máquina con intención de matala e evitar o nacemento de John, por iso se converte nunha especie de guerreira e educou ao seu fillo en tácticas de supervivencia. Por este motivo, foi recluída nun psiquiátrico. John Connor é agora un adolescente rebelde cuns pais de acollida. Skynet tentará nesta ocasión acabar con John, polo que enviará un androide mellorado, o T-1000, para matalo. A resistencia no futuro tamén enviará un androide, un vello modelo T800, para protexelo.

.

TERMINATOR 3 - A REBELIÓN DAS MÁQUINAS

TERMINATOR 3 - RISE OF THE MACHINES (2003)

Terceira parte da saga terminator.Xusto dez anos despois de que as máquinas non foran capaces de eliminar a John Connor,deciden enviar a unha terminator,unha versión máis evolucionada para acabar coa vida de John Connor.
A resisntencia decide enviar o antigo Terminator para protexelo.

Datos do filme

Cartel en galego

  TREMORES

TREMORS (1990)

En Perfección, un pequeno pobo ao bordo do deserto de Nevada, algo semella ocorrer debaixo da terra. Cando as liñas telefónicas e as estradas quedan cortadas, os habitantes comezan a sentir arrepíos, pois todo indica que che hai algo vivo e terrorífico baixo da area do deserto. Havos ser cousa do demo!.

Datos do filme