RESACÓN II: AGORA EN TAILANDIA

THE HANGOVER, PARTE II  (2011)

Phil, Stu, Alan e Doug viaxan á exótica Tailandia para asistir á voda de Stu. Despois da inesquecíbel despedida de solteiro nas Vegas, Stu non quere asumir ningún risco e decide ofrecer un xantar tranquilo e contido antes da voda. Mais, as cousas non sempre saen como está previsto. Quizais o que aconteceu nas Vegas queda nas Vegas, pero ninguén pode imaxinar o que sucederá en Bangkok.

Datos do filme

Cartel en galego

Cartel en portugués

SEGURIDADE NACIONAL

NATIONAL SECURITY  (2003)

Earl Montgomery (M. Lawrence) é un fachendoso e inquedo cadete da Policía de Los Ángeles, que podería chegar a ser un gran policía se deixase de dar tanto a nota. Por mor da súa actitude, bótano da academia e non ten máis saída que traballar como garda de seguridade en National Security. Despois de ser detido polo policía Hank Rafferty (S. Zahn), Earl acúsao de acoso e Hank ingresa no cárcere; cando sae tamén acaba traballando para National Security. 

Datos do filme

Cartel en galego

Cartel en portugués

SIGFRIDO

SIEGFRIED  (2005)

Sigfrido, un neno con poderes extraordinarios e incontrolabeis, foi abandonado nunha cesta no río Rin. O ferreiro Mime sálvao das augas e adóptao. Axiña Siggi, así o coñecen na aldea, da probas da súa grande forza e convértese no pesadelo dos seus veciños Os seus amigos acabaron rexeitandoo, así que o seu único compañeiro é un porco. E aínda que se trata dun tipo realmente agarimoso e bo, os seus conveciños están desexando que deixe o lugar. A oportunidade chega cando se atopa cunha bela moza no bosque.

Datos do filme

TRES MULLERES E UN PLAN

MAD MONEY  (2008)

Bridget Cardigan é un ama de casa de clase media. Un ano e medio despois de que o seu marido, Don Cardigan, perda o seu traballo, o matrimonio está a piques de perdelo todo. Cando Bridget o descobre, busca un traballo no Banco da Reserva Federal de conserxe. Alí coñece a Nina Brewster, unha nai solteira que vive nos suburbios.

En canto Bridget convence a Nina de que participe no plan para apropiarse de algo de diñeiro da Reserva Federal, ambas buscan unha terceira cómplice, unha das empregadas que transporta as carretillas de billetes.

Datos do filme 

Cartel en galego

TROULA DE SOLTEIROS

TOMCATS  (2001)

Uns amigos fan unha aposta: nunca van casar. Anualmente depositan unha cantidade de diñeiro que recibirá o único que fique solteiro. Co paso dos anos, só dous cumpren o prometido, e o "bote" ascende a medio millón de dólares. Un deles, Michael Delaney, está desesperado porque acaba de perder unha forte suma de diñeiro nun casino de Las Vegas. O único xeito de saldar a débeda será conseguir como sexa que o seu amigo Kyle case axiña.

Datos do filme