UNHA LOURA MOI LEGAL

LEGALLY BLONDE (2001) 

Elle Woods é unha loura auténtica, moi popular, boa estudante, presidenta da súa irmandade e Miss Xuño no calendario da Universidade, e está namorada de Warner Huntington III. Pero todo se derruba cando o seu noivo decide romper con ela debido a que é demasiado loura e non o suficientemente formal para a súa futura carreira no mundo da política. Elle matricúlase na Facultade de Dereito da Universidade de Harvard, asumindo un reto aínda maior do que esperaba.

Datos do filme

UNHA LOURA MOI LEGAL 2

LEGALLY BLONDE 2 (2003)

Elle é unha prometedora e nova avogada dunha grande empresa que trata de lograr o equilibrio entre a súa esixente carreira e os preparativos para a voda co home dos seus soños. Pero cando descobre que os demais membros de raza do seu adorado can Bruiser están a ser empregados para ensaios cosmetolóxicos por parte dunha empresa que é clienta súa, sae en defensa dos seus dereitos e deseguida escomezan as súas desgrazas.

Datos do filme

  VACACIÓNS A RACHAR

SPRING BREAKDOWN (2009)

Tres amigas na trintena, Gayle (Poehler), Becky (Parker Posey) e Judi (Dratch), que foron sempre unhas paxoquiñas, soñan con ser populares. Así que cando a Becky se lle presenta a oportunidade de acompañar a Ashley, a filla adolescente do seu xefe, a pasar unhas vacacións universitarias nunha illa, as rapazas non o pensan e bótanse a eito polas pozas. Despois de rachadoras festas na praia, dunha chea de barrís de cervexa, algunha que outra cita e festas de escuma, decátanse de que quizais non sexa ese o mellor xeito de vida posíbel.

Datos do filme

VAIA DOUS POLICÍAS

COP OUT (2010)

Jimmy e Paul son dous compañeiros do Departamento de Policía de Nova York que seguen o rastro dun carísimo cromo de béisbol de 1952 que foi roubado, polo que se enfrontarán a un gángster desapiadado e apaixonado dos obxectos antigos. Jimmy é un detective veterano e a tarxeta significa a súa única posibilidade de pagar a voda da súa filla, mentres que Paul, obsesionado co cine e coa policía, só quere loitar contra a delincuencia.

Datos do filme

WILLY WONKA E A FÁBRICA DE CHOCOLATE

WILLY WONKA AND THE CHOCOLATE FACTORY (1971)

Willy Wonka (Gene Wilder) é o excéntrico dono dunha gran fábrica de caramelos. Un día decide ofrecer a cinco nenos unha entrada dourada que lles permitirá percorrer a doce fábrica. Un dos gañadores é Charlie Bucket, un neno pobre sen maldade que espera un futuro mellor para el, para a súa nai e os seus catro avós. Os outros gañadores resultan ser catro insoportábeis nenos miquentos.

Datos do filme