UN REI E CATRO RAIÑAS 

THE KING AND FOUR QUEENS (1956)

O aventureiro Dan Kehoe (Gable) chega a un rancho dirixido por unha viúva e as súas catro noras coa esperanza de atopar un tesouro de ouro. O cobizado botín, froito do atraco a un banco, foi enterrado naquel lugar polos catro fillos da viúva, dos que só queda un vivo, pero non se sabe cal nin cando regresará. 

Datos do filme

Cartel en galego

VERA CRUZ (VERACRUZ) (1954)

No 1864, co apoio dos conservadores mexicanos, Napoleón III de Francia (1852-1871) impón como emperador de México a Maximiliano de Austria, o que provoca o alzamento dos juaristas. En plena guerra civil, dous mercenarios americanos (Gary Cooper e Burt Lancaster), tratando de sacar partido da situación, ofrecen os seus servizos ao mellor ofertante. Así é como coñecen unha fermosa juarista (Sara Montiel) e unha condesa francesa (Denise Darcel). 

Datos do filme

 WICHITA (1955)

Wyatt Earp, antigo cazador de búfalos e aventureiro, chega a Wichita (Kansas), un pobo gandeiro no que impera a lei do máis forte. A súa habilidade co revólver converteo no candidato perfecto para o posto de sheriff, pero rexeita o emprego. Despois dun tiroteo fai que acepte o traballo para poñer orde na cidade.

Datos do filme

 WYATT EARP (1994)

Nado nunha granxa de Iowa, Wyatt Earp (Kevin Costner) foxe do seu fogar para alistarse no exército da Unión, na Guerra Civil Americana, mais o seu pai (Hackman) obrígao a volver á casa porque aínda é novo demais. Decide entón estudar leis e casar con Urilla Sutherland (Annabeth Gish), que morre de febre tifoide antes de que poidan ter fillos. Completamente abatido, Earp dáse á bebida e adícase a roubar gando, pero o seu pai atópao e enderéitao.

Kevin Costner

Datos do filme