UNHA TERAPIA PERIGOSA

ANALYZE THIS (1999)

Paul Vitti é un poderoso xefe da mafia italiana en Nova York que entra nunha crise persoal que pode ter efectos mortais sobre a súa persoa se a noticia se coñece entre os membros das bandas rivais. Non lle queda máis remedio, en contra das regras máis básicas do seu entorno, que someterse a unha terapia psicolóxica para resolver os seus problemas. O doutor elexido é Ben Sobol, quen a partir dese momento terá que padecer a constante presenza de mafiosos, entrometéndose en todos os aspectos da súa vida, que atravesa precisamente unha fase delicada xa que está a piques de casar cunha xornalista de Miami.

Cartel en galego

UN ITALIANO EN NORUEGA

QUO VADO? (2016)

Narra as peripecias dun funcionario dunha administración provincial, con 15 anos de servizo, que se adica á rutineira pero cómoda tarefa de expedir as licenzas de caza a pesca. Vive feliz na casa dos seus pais, mimado pola súa nai e cunha noiva coa que non ten intención de casar nin de ter fillos. Pero o seu mundo derrúbase cando o Estado decide eliminar as provincias. Antes que recibir unha indemnización e buscar outro traballo, o protagonista acepta varios traslados a rexións remotas de Italia e, finalmente, mesmo asume trasladarse a Noruega para traballar como gardián dunha estación científica italiana no Polo Norte.

Cartel en galego

VACA

MUG-TWARZ (2018)

Jacek gasta pintas de rebelde e escoita a Metallica nunha vila polaca de misa diaria, gris como unha dor de posguerra e en plena milagre arquitectónica: construír un Cristo á escala do Corcovado do Brasil. E nesas están cando Jacek, traballándolle a cabeza ao Cristo, cae dentro dela e desfai a faciana. Agora hai que refacerlla, pero os médicos confían máis na vontade de Deus ca no bisturí e Deus semella que o día da operación está de broma.