DORAEMON  E O MISTERIO DAS NUBES

DORAEMON NOBITA TO KUMO NO OUKOKU (1992)

Doraemon lánzase a unha aventura para salvar a Terra dunha terríbel ameaza. Doraemon utiliza os seus inventos para xerar, xunto a Nobita, o seu propio mundo no ceo. Durante a súa viaxe na nube atópanse uns seres extraterrestres que pretenden destruír a civilización para escaramonar aos humanos pola súa falla de compromiso co medio. Terán que buscar aliados e convencer aos habitantes das nubes de que na Terra tamén hai xente que loita pola natureza.

Cartel en galego

DORAEMON  E OS DEUSES DO VENTO

DORAEMON NOBITA TO FUSHIGI KAZE TSUKAI (2003)

Nobita e Doraemon coñecerán unha nova amiga, Fuuko, unha pequena rapaza remuíño que grazas a un invento de Doraemon collerá forma dentro dun peluche de dragón. Xunto a Shizuka, Gian e Suneo, viaxarán ao Val do Vento, habitado polos Domadores do Vento, un pobo que aprendeu a usar o vento para aplicalo dun modo respectuoso, en convivencia con estraños e divertidos animais.

Cartel en galego

DORAEMON  E O TREN DO TEMPO

DORAEMON NOBITA TO GINGA CHOU TOKKYUU (1996)

Doraemon, Nobita e toda o grupo lánzanse a unha abraiante aventura a bordo do Tren do Tempo, un máxico tren que é quen de ir polos confíns do espazo e de desafiar a liña espazo-tempo para viaxar pola historia da humanidade. No Tren do Tempo, o destino é unha incógnita, e con el chegarán a lugares descoñecidos para todos nós e coñecerán incribeis compañeiros de viaxe.

Cartel en galego

DORAEMON NO MÁXICO MUNDO DAS AVES

DORAEMON NUBITA TO TSUBASA NO YUUSHA TACHI (2001)

Nobita e os seus amigos seguen a Doraemon, o gato que vén do futuro, a través dun túnel espazo-temporal. Este conduce ao mundo máxico das aves, onde coñecen a Guske, un curioso home-paxaro. Guske infórmaos de que o mundo das aves se atopa ameazado polos plans do malvado xeral Jinglid, un líder militar. Nobita e os seus amigos ofrécense a axudar aos homes paxaro.

Cartel en galego

DORAEMON, O GLADIADOR

DORAEMON NOBITA TO ROBOTTO OOKOKU (2004)

Poko, un neno-robot doutra dimensión, chega por accidente ao noso tempo xa que unha das máquinas de Doraemon se estraga cando Nobita a está a usar para comprar nos grandes almacéns do futuro. Poko explica a Doraemon e Nobita que, no seu mundo natal, o maléfico androide Dester pretende facerse co poder total. Dende a sombra, o tirano controla os designios da nova raíña Jannu e o seu obxectivo é eliminar todos os robots dun planeta no que antano conviviran en harmonía os humanos e os seres mecánicos.

Datos do filme

Cartel en galego