DONKEY XOTE  (2007)

Rucio, o burriño, conta a "verdadeira" historia de Don Quixote e defende que non foi un tolo, senón todo o contrario: un home intelixente, apaixonado e entusiasta. O estraño grupo composto por Don Quixote, o seu "escudeiro" Sancho, de feito é o seu mellor amigo e o máis rico do pobo, o burro, Rucio, que quere ser un cabalo, e o verdadeiro cabalo, Rocinante, que detesta saír da súa acolledora corte, inician unha viaxe para baterse en duelo con "O Cabaleiro da Lúa". Se Quixote o vence, o Cabaleiro revelaralle a verdadeira identidade de Dulcinea.

Datos do filme

DORAEMON - ANIMAL PLANET 

 DORAEMON NOBITA TO ANIMARU WAKUSEI (1990)

Doraemon, Nobita e os demais da cuadrilla, viaxan ata o planeta dos animais tras atravesar unha misteriosa nube de gas de cor rosa que atoparon no bosque. Na cidade dos animais cóidase do ámbito natural, recíclanse os residuos e o uso das enerxías renovábeis está á orde do día. Pero o máis curioso é que os seus simpáticos poboadores teñen corpo de home e cachola de animal.

Datos do filme

DORAEMON E O MUNDO PERDIDO  (1982)

 DORAEMON NOBITA NO DAI MAKYOI

Non hai nada imposíbel para o peto máxico de Doraemon, e moito menos cando se trata de usa-los seus inventos para vivir as peripecias máis abraiantes. Hai algún lugar onde o home non fose xamais? A porta máxica do gato robot conduce os nosos amigos ao centro de África, xustamente ata o Bosque dos Fumadores, unha selva cuberta por unha espesa néboa que impide que os satélites tomen fotografías. Nobita e os seus amigos saben que, se existe un mundo por descubrir, atoparase aí.

Datos do filme

Cartel en galego

FANTASÍA  (1940)

Clásico da Disney onde se fai interpretacións animadas de obras mestras da música clásica. En "O Aprendiz de Bruxo" (Dukas), Mickey Mouse, discípulo dun mago, métese nunha gran lea, pois os seus coñecementos de maxia son moi limitados. "A Consagración da Primavera" (Stravinsky) conta a historia da evolución, dende os seres unicelulares ata a extinción dos dinosauros. "A Danza das Horas" (Ponchielli) é un anaco dun ballet cómico interpretado por elefantes, hipopótamos, crocodilos e avestruces. "Unha Noite no Monte Pelado" (Mussorgsky) e a "Ave Maria" (Schubert) describen o enfrontamento entre a escuridade e a luz.