ERNEST E CELESTINE. CONTOS DE INVERNO

ERNEST ET CÉLESTINE EN HIVER (2017)

Ernest é un oso moi grande con espírito de artista e un corazón xeneroso. Con el vive Celestine, unha ratiña orfa que hai tempo acolleu na súa casa. Xuntos han vivir todo tipo de aventuras mentres se preparan para a chegada do inverno. Os dous amigos teñen un carácter tan distinto como o seu tamaño, pero iso non lles vai impedir vivir aventuras cheas de fantasía. Ao longo destas catro historias tamén contarán coa axuda doutras personaxes: unha osa, ratiñas e un rato verde.