LADRÓNS DE RISA

FUN WITH DICK AND JANE (2005)

Dick Harper, despois de anos de duro traballo, é, por fin, ascendido a vicepresidente en Globodyne, empresa líder a nivel mundial na consolidación de propiedades de medios de comunicación. Pero, ao día seguinte do seu nomeamento, un escándalo tipo Enron arruína a empresa. Entón Dick e a súa muller Jane ven horrorizados como a súa luxosa casa, os seus ostentosos coches e mesmo as súas amizades se esvaecen como por arte de maxia.

Jim Carrey

Datos do filme

Cartel en portugués

MAGIC MIKE XXL (2015)

Tres anos despois de que Mike se retirara da vida de 'striper' cando estaba no cume da onda, os demais Reis de Tampa tamén están a piques de tirar a toalla. Mais queren facelo ao seu xeito: tirando a casa pola fiestra na última representación en Myrtle Beach, co lendario Magic Mike compartindo escenario con eles. A viaxe, con paradas en Jacksonville e Savannah para saudar antigos coñecidos e facer novos amigos, seralles moi útil para aprender algunhas cousas novas e liberarse do pasado.

MISS AXENTE ESPECIAL

MISS CONGENIALITY (2000)

Cando o obxectivo dun asasino en serie é a gañadora do concurso de Miss Estados Unidos, o FBI decide por unha axente infiltrada no concurso. A mellor candidata que atopan para iso é Gracie Hart, unha axente de modais un chisco fuscos e pouco femininos. Aparece como Miss New Jersey, e, ante a súa total falta de "glamour", os organizadores búscanlle un representante que lle ensine tódolos trucos do mundo da pasarela.

Sandra Bullock

Datos do filme

MISTER BONES (2001)

O rei dos Kavuki estache cun grande desasosego: tivo 12 mulleres e 17 fillas, mais ningún herdeiro que o suceda. Non obstante, o rei volve a ter acougos cando Mr. Bones, o feiticeiro da tribo, consulta cos seus amuletos e asegúralle que ten un fillo varón: Vince Lee, o golfista máis importante de EUA. Atopalo e levalo á tribo é a súa misión. Mais  para logralo verase envolvido nunha chea de situacións desatinadas.

Datos do filme

Cartel en galego

NON É OUTRA ESTÚPIDA PELICULA AMERICANA

NOT ANOTHER TEEN MOVIE (2001)

No instituto John Hughes os rapaces sonche como os de calquera filme americano de adolescentes. Jake apóstalle a Austin que é quen de transformar a Janey, o croio oficial, na raíña do baile de fin de curso. Pero haiche dúas reviradas rapazas que tentarán que Jake perda a aposta: a súa irmá Catherine e Priscilla, o xefe das animadoras.

Datos do filme

Cartel en galego

NOVA YORK PARA PRINCIPIANTES

HOW TO LOSE FRIENDS & ALIENATE PEOPLE (2008)

Baseada na verdadeira historia dun verdadeiro parvo, Nova York Para Principiantes é a crónica do declive de Sidney Young, un prometedor xornalista británico que un día ten a oportunidade de escribir nunha das revistas máis prestixiosas de Nova York, "Sharps".

Cartel en galego