A CANCIÓN DO MAR

SONG OF THE SEA (2014)

Ben e Saoirse son dous nenos que viven co pai, Conor, nun faro da costa. Conor, tras quedar viúvo e para que os nenos estean mellor coidados, decide levalos a vivir coa avoa. Ben non está contento e decide escapar, pero entón descobre que a irmá del é unha selkie, unha fada do mar.

A LEGO PELÍCULA

THE LEGO MOVIE (2014)

Conta a historia de Emmet, unha figuriña de Lego absolutamente normal e leal ás normas, que é sinalada erroneamente como a persoa máis extraordinaria, a clave para salvar o mundo. Vese inmerso nunha busca épica para deter un malvado tirano, unha aventura para que Emmet non está preparado.

 AS BICICLETAS DE BELLEVILLE

LES TRIPLETTES DE BELLEVILLE (2003)

Champion, que foi adoptado pola súa avoa Madame Souza, é un neno solitario. Cando ela se dá conta de que o neno só é feliz enriba dunha bicicleta, sométeo a un rigoroso adestramento. Anos despois, Champion xa está preparado para participar na carreira ciclista máis famosa do mundo: o Tour de Francia. Con todo, durante a competición dous misteriosos homes vestidos de negro secuéstrano. Madame Souza e o seu fiel can Bruno emprenden a súa procura, que os leva alén do océano, á enorme cidade de Belleville, onde coñecen ás famosas “Trillizas de Belleville”, tres @estrella do music–hall dos anos 30, que deciden acollelos baixo a súa protección.