CANTO ME AMAS?

COMBIEN TU M´AIMES? (2005)

A François (Bernard Campan), un solitario e gris oficinista de Paris, tocoulle a lotaría. Chega entón a un estraño acordo con Daniela (Monica Bellucci), unha fermosa prostituta italiana da que está namorado: promételle 100.000 euros ao mes se vive con el ata que se lle acabe o diñeiro. Cando ela acepta, comeza unha tortuosa historia de amor non exenta de romanticismo, paixón e sexo. Ademais, ao final, non lle será tan doado despedirse de Charly (Gérard Depardieu) e do mundo da noite. 

Datos do filme

Cartel en galego

CHASING LIBERTY (2004)

Anna Foster (Mandy Moore) é unha moza nova, filla do presidente dos Estados Unidos, James Foster (Mark Harmon), que só quere liberdade para vivir acorde coa súa idade.

Todo o mundo trata de protexela de calquera perigo, incluíndo o das primeiras citas. Durante unha viaxe diplómatico por Europa cos seus pais, Anna decide facer unha pequena escapada. No seu camiño atópase con Ben (Matthew Goode), un mozo que, sen coñecer a verdadeira identidade desta, préstase a acompañala na súa pequena aventura.

Datos do filme

CLOSER (2004)

Unha historia de paixóns, sexo, amor e abandono que involucra dúas parellas, cunha situación que se complica cando o home da primeira parella coñece a muller da segunda parella. Fala de catro estraños: Anna (Julia Roberts), fotógrafa; Dan (Jude Law), aspirante a novelista; Alice (Natalie Portman), stripper; e Larry (Clive Owen) , dermatólogo, dos seus encontros casuais, das súas atraccións repentinas e das súas traizóns ocasionais.

Datos do filme        Trailer/vídeo

COMA TOLOS POLO OURO

FOOL´S GOLD (2008)

Matthew McConaughey e Kate Hudson interpretan un matrimonio que se adica á busca de tesouros, pero que atravesan unha aguda crise matrimonial. Semella que atopar unha gran fortuna sería o único xeito de salvar a súa relación.

Datos do filme

Cartel en galego

    CON DEREITO A ROZAMENTO

FRIENDS WITH BENEFITS (2011)

Jamie (Mila Kunis) é unha moza cazatalentos que convence a Dylan (Justin Timberlake) para que se vaia traballar a Nova York como director artístico da revista GQ. Alí ambos os dous amigos, solteiros e atractivos, deciden embarcarse nunha relación estritamente física sen compromiso... pero sen deixar de ser só amigos. "Só sexo", é o que acordan. O que non se poden imaxinar é que este tipo de relación híbrida non os traerá máis que complicacións.

Justin Timberlake 

Datos do filme