LUCKY YOU (2007)

Huck Cheever (Eric Bana) é un xogador profesional de poker que visita As Vegas para participar na serie mundial e xogar contra os seus demos particulares. Alí coñecerá a Billie Offer (Drew Barrymore), unha aspirante a cantante que lle axudará a reconciliarse co seu pai (Robert Duvall), o mellor xogador de póker.

Datos do filme

MANUALE D´AMORE 2 (2007)

Filme dividido en catro episodios. Un mozo que sufriu un accidente namórase da súa fisioterapeuta (Monica Bellucci), a pesar de ter noiva. Unha fermosa española de orixe italiana (Elsa Pataki) volve a Roma para que o seu fillo coñeza ó seu avó. Unha vez alí, ten un romance cun home casado moito maior ca ela. Dous homosexuais de mediana idade que queren casar coa desaprobación do pai dun deles. Finalmente, unha parella que non pode ter fillos decide recorrer á inseminación artificial nunha clínica de Barcelona.

Datos do filme

MEMORIAS DUNHA GUEIXA

MEMOIRS OF A GEISHA (2005)

Chiyo (Suzuka Ohgo) foi vendida a unha casa de gueixas cando aínda era unha nena, no 1929, onde é maltratada polos donos e por Hatsumomo (Gong Li), unha gueixa que ten envexa da sua beleza. Acollida por Mameha (Michelle Yeoh), a principal rival de Hatsumomo, Chiyo ao crecer convértese na gueixa Sayuri (Zhang Ziyi). Recoñecida, ela pasa a disfrutar dunha sociedade repleta de riquezas e privilexios até que a 2ª Guerra Mundial modifica radicalmente a súa realidade no Xapón.

Datos do filme

Cartel en galego

  NALGÚN LUGAR DO TEMPO

  SOMEWHERE IN TIME (1980)

Richard Collier (C. Reeve), un escritor dramaturgo que vive en Chicago, celebra unha posta en escena dunha das súas obras, unha anciá achégase e entrégalle un reloxo e dille que regrese a ela. Pasados uns anos, Richard cre recoñecer no retrato dunha antiga actriz a enigmática dama, xa falecida. A beleza e o encanto da fotografía subxúganlle de tal forma que fará o imposíbel por chegar a ela. Será quen?...

Datos do filme

  NOITES DE TREBOADA

NIGHTS IN RODANTHE (2008)

Adrienne Willis (Diane Lane) é unha muller cunha vida somerxida no caos, polo que decide pasar uns días na pequena localidade costeira de  Rodanthe co motivo de facerse cargo do hotel da súa amiga Jean (Viola Davis). O seu marido infiel quere volver á casa e a súa filla Amanda (Mae Whitman) cuestiona  tódalas súas decisións.

O Dr. Paul Flanner (Richard Gere) chega xusto antes de que unha treboada faga a súa aparición na vila.

Richard Gere

Datos do filme

Cartel en galego