UN DÍA INESPERADO

IF ONLY (2004)

Samantha (Jennifer Love Hewitt) é unha americana namorada do seu noivo inglés Ian (Paul Nicholls), co que vive en Londres. Ian tamén está namorado de Sam, pero non pode ou non sabe expresar o que sente. Sam é impulsiva e pouco convencional. Estuda violín nunha escola de música, e dá clase a nenos pequenos. Ian é un mozo executivo, centrado e sensato. En opinión de Sam, o único que ama Ian é o seu traballo. Chegaron a un momento crucial na súa relación. Que farías ti se puideses coñecer o futuro?...

Datos do filme

Cartel en galego

UNHA CINCENTA MODERNA 

A CINDERELLA STORY (2004)

Coma na historia da Cincenta, a adolescente Sam Montgomery vive a disposición da súa madrasta, Fiona, e das súas odiosas medias irmás, que a tratan máis como unha serventa que como un membro máis da familia. Sam soña con ingresar en Princeton, pero de súpeto, a súa vida social complícase cando coñece ó seu príncipe azul na internet. Pero cando o seu amigo da rede se converte no rapaz máis popular da escola, Austin Ames, Sam esperta á realidade esquecendo o seu móbil cando soan as badaladas de media noite. Temendo ser rexeitada se el soubese quen é en realidade, Sam fai todo o posible para que Austin non descubra quen é a súa princesa, pero el ten un plan para atopala.

Cartel en galego

VILAMOR (2012)

No ano 1976, despois de ter rematado o franquismo, Breixo vive coa súa familia nunha idílica e illada aldea, e prepárase para converterse algún día no cura da vila de Seoane. Un día atópase cos membros dunha comuna hippie que se asentou nos arredores da súa aldea, e axiña se deixa seducir polo seu estilo de vida. Decide entón colaborar con eles para recuperar as casas abandonadas de Vilamor, e crear un novo xeito de vida baseado no traballo da terra, o contacto coa natureza e a ausencia de propiedade privada. Pero todo se complica cando Breixo se namora tolamente de Sonia, unha das rapazas da comuna.

 Datos do filme