ANOITECE EN MANHATTAN

NIGHT FALLS ON MANHATTAN (1996)

Un mozo idealista ingresa na oficina do fiscal do distrito. Terá que ocuparse do caso dun narcotraficante e asasino de policías que feriu de gravidade ao seu pai, un veterano axente do corpo. Na investigación atópase con que o seu proxenitor está talvez implicado nunha rede de corrupción policial. 

Datos do filme

A REDE

NET (1995)

Angela Bennett é unha moza programadora informática que ten no seu poder un software que lle permite acceder á información segreda do goberno. Despois de marchar a México de vacacións e descubrir que un íntimo amigo seu foi asasinado, Angela comeza a sospeitar que a súa vida está en perigo. Cando volve ós Estados Unidos descobre que a súa identidade foi borrada e que aparece nos ordenadores da policía como unha criminal buscada. 

Sandra Bullock

Datos do filme

Cartel en galego

 A SANGUE FRÍO

THE JOB (2003)

 CJ é unha cruel e sexy mercenaria que foi contratada para realizar o que será o seu derradeiro traballo antes de abandonar para sempre esta vida de asasinatos a sangue frío.

Mentres está localizando á súa víctima, CJ comeza a ter remordementos de conciencia e por primeira vez na súa vida como asasina decátase de que non pode levar a cabo o seu traballo. CJ tense que enfrontar ó dilema de realizar a encarga ou actuar de acordo ós seus novos valores morais.

Datos do filme

ASASINATO NA CASA BRANCA

MURDER AT 1600 (1997)

Unha moza funcionaria aparece asasinada na Casa Branca. Da investigación encárgase o detective de homicidios da policía de Washington D.C. Harlan Regis. O caso non é doado xa que os membros do Servizo Secreto non parecen dispostos a colaborar.

Cartel en galego

BLACK MASS, ESTRITAMENTE CRIMINAL

 BLACK MASS (2015)

Boston, anos 70. O axente do FBI John Connolly convence a Whitey Bulger, un mafioso irlandés que acaba de saír do cárcere, para que colabore co FBI con fin de eliminar un inimigo común: a mafia italiana. Esta nefasta alianza provoca unha espiral de violencia que lle permite a Whitey eludir o control da lei, consolidar o seu poder e converterse nun dos máis implacables e poderosos gángsters da historia de Boston.

Cartel en galego

CONTINENTAL (1989)

O Continental é un bar prostíbulo situado nunha zona portuaria que se disputan dúas bandas de mafiosos. Ambas estiveran no pasado a cargo do mesmo capo, Gonçalves, o que levaran por diante na súa loita polo poder. Porén, transcorridos varios anos desde a desaparición deste, a súa sombra parece seguir pesando en forma de maldición sobre os membros das bandas.

Antonio Durán "Morris"

Datos do filme