A ADMIRADORA 

THE FOLOWER (2016)

A última noite do seu tour, a súper estrela do country Chelsea Angel anuncia aos seus fans que tomará un descanso na súa carreira musical para dedicarse á súa familia por completo. O seu plan trastócase ao estrelarse o seu avión. A única supervivente é unha gran fan de Chelsea, Evelyn King, que a pon a salvo. Sen embargo, mentres Chelsea cura, Evelyn empeza a volverse cada vez máis obsesiva con ela.

A BIBLIOTECA DA IGUANA (2005)

Andrés, profesor universitario especializado en literatura, descubre un día unha grave anomalía na novela que adquiriu para se entreter nun voo. O que comezou coma unha novela seria e harmoniosa convértese nunha disparatada aventura de detectives. Sen embargo, mantén os nomes dos personaxes e os seus contextos. É como se o libro se tivese desdobrado dunha forma moi estraña. Tras moitas cavilacións colixe que se hacha ante un experimento do autor, unha acción literaria vangardista desas nas que en ocasións é difícil coñecer o sentido.

Xosé Olveira "Pico"

Datos do filme      Trailer/vídeo

A ESTRAÑA QUE HAI EN TI

THE BRAVE ONE (2007)

Erica Bain (Jodie Foster) é unha locutora de radio neoiorquina, cuxa vida dá un xiro dramático cando unha noite, ela e o seu namorado (Naveen Andrews) reciben unha malleira buzaca na rúa pola cal el morre. Incapaz de superar a traxedia, Erica segue roldando a zona na que os atacaron, buscando pistas que a leven aos responsábeis. Un axente de policía (Terrence Howard) intúe as súas intencións e trata de evitar que se tome a xustiza pola súa man.

Datos do filme

Cartel en galego

A MOZA DA AUGA

LADY IN THE WATER (2006)

Cleveland Heep (Paul Giamatti) é un encargado dun bloque de apartamentos que rescata a unha moza misteriosa (Bryce Dallas Howard) que, en realidade, é un personaxe dun conto de fadas que está tentando voltar ao seu mundo. Cleveland envólvese cada vez máis coa muller, esforzándose para protexela das criaturas mortais que lle impeden voltar para casa.

Datos do filme

Cartel en galego

CARGO (2005)

Un inxenuo mozo (Brühl), vese envolvido nun desagradábel incidente coa policía tras roubar un brazalete nun mercado africano. Sen pasaporte nin diñeiro, o único xeito de voltar a Europa é embarcarse agochado. Ao pouco de zarpar, o rapaz é descuberto: a súa presenza é unha ameaza para a tripulación porque a mercadoría que levan é ilegal. Durante a viaxe, entaboa unha ambigua relación co capitán (Amolezan), un home temíbel e abalocado pola vida, pero que aínda conserva algo da súa antiga honradez. 

Luis Tosar 

Datos do filme

CIDADE DE LADRÓNS

THE TOWN (2010)

Mentres planifica o seu próximo golpe, Doug MacRay (Ben Affleck), un atracador de bancos de Boston, terá que ser quen de controlar os seus sentimentos por Claire (Rebecca Hall), a directora dun dos bancos que atracou. Ao mesmo tempo, tenta esquivar o axente do FBI (Jon Hamm) que segue as súas pegadas.

Datos do filme