DÉBEDA DE SANGUE

BLOOD WORK (2002)

O axente apousentado Terry McCaleb (Clint Eastwood) estábase recuperando dun transplante de corazón cando foi contratado por Graciela Rivers (Wanda De Jesus) para investigar a morte da súa irmá, Gloria. A moza, vítima dun asasinato misterioso, foi a doadora do corazón recibido por McCaleb. Durante as investigacións, o ex-axente reúne pistas que indican que o posíbel asasino de Gloria é, en realidade, un asasino en serie que McCaleb viña procurando hai anos no FBI.

Clint Eastwood

Datos do filme

Cartel en galego

Cartel en portugués

DÍA DE ADESTRAMENTO

TRAINING DAY (2001)

Todos os días, nos rueiros máis desfavorecidos das cidades dos Estados Unidos acontece unha guerra entre residentes, traficantes de droga e os que xuraron protexer uns dos outros. E de todo isto, un dos personaxes máis salientábeis é o sarxento Alonzo Harris, un axente dcon experiencia cuxos discutíbeis métodos fan difusa a liña entre a legalidade e a corrupción. Jake Hoyt, un policía recén chegado a narcóticos, comeza as súas roldas ás ordes de Alonzo para deprender del.

Denzel Washington

Datos do filme

Cartel en galego

Cartel en portugués (Brasil)

ENTERRADO

BURIED  (2010)

Despois de ser secuestrado, Paul Conroy (Ryan Reynolds), contratista civil en Iraq, espértase enterrado vivo nun vello ataúde de madeira con só un teléfono móbil e un chisqueiro. O teléfono podería ser a única cousa que o salvara dese mortal pesadelo., pero a precariedade da cobertura e a escasa batería semellan ser obstáculos insuperábeis na súa loita contra o tempo: só dispón de 90 minutos para ser rescatado antes de que se lle esgote o osíxeno. 

Datos do filme       Trailer/vídeo

Cartel en galego

EXECUCIÓN INMINENTE

TRUE CRIME (1999)

Steve Everett é un xornalista con problemas de alcoholismo e é un mullereiro impenitente. O seu xeito de vida non só o desprestixiou profesionalmente, senón que ademais estragou o seu matrimonio. Atopa unha inesperada oportunidade cando lle encargan unha entrevista cun condenado a morte na véspera da súa execución. A pesar diso, decide investigar pola súa conta e certos indicios fanlle sospeitar que o home que vai ser executado é inocente. 

Clint Eastwood

Datos do filme

Cartel en galego

FALLEN (1998)

John Hobbes (Denzel Washington) é un detective que acha que tras a execución de  Edgar Reese, un asasino en serie, rematáronse os problemas; só ían comezar. A xente que coñece empezan a cantar a mesma canción que Reese cantou na súa execución, Hobbes decátase de que quizais tralos crimes se atope Azazel, o anxo caído que foi condenado a vagar pola Terra e toma os corpos doutras persoas.

Denzel Washington

Datos do filme