O CASO DE THOMAS CROWN

THE THOMAS CROWN AFFAIR (1999)

Hai cousas que non se mercan con cartos. Thomas Crown (Pierce Brosnan) naceu pobre, mais, coa súa ambición e talento para os negocios, transformouse nun millonario. Sen embargo, todo o seu ter e poder non son suficientes. Rouba cadros de Monet dunha galeria novaiorquina só polo desafio. A investigadora Catherine Danning (Rene Russo), descobre pistas que apuntan a Crown e decide formar parte do seu entorno, pero sen querer fica apaixonada por el. 

Pierce Brosnan

Datos do filme

Cartel en galego

O MAQUINISTA

THE MACHINIST (2004)

Trevor Reznik, un empregado dunha fábrica, padece dende hai tempo un grave problema de insomnio, un mal que agocha e que lle provoca serias alucinacións. Trevor non dorme dende hai un ano. A fatiga comportoulle un horríbel deterioro da súa condición física e da súa saúde mental. Repelidos polo seu aspecto físico, os seus compañeiros de traballo primeiro evítano, e despois volveranse contra el cando un deles perde un brazo nun incidente no que Trevor se ve involucrado.

Datos do filme      Trailer/vídeo

Cartel en galego

O NENO DE BARRO

EL NIÑO DE BARRO (2007)

Filme baseado en feitos reais ocorridos na cidade de Bos Aires no 1912.  Unha serie de brutais asasinatos de menores esténdese pola cidade. Mateo (Juan Ciancio), un neno de dez anos, agocha un abraiante segredo: a veces a súa mente condúceo a un escuro lugar da memoria onde é testemuña dos asasinatos. Ó descubrirse o seu segredo, moitos cren que é o homicida.

Datos do filme

Cartel en galego

OS HOMES QUE NON AMABAN ÁS MULLERES (MILLENIUM 1)

MÄN SOM HATAR KVINNOR (2009)

Un rico industrial chamado Henrik Vanger (Sven-Bertil Taube) contrata ao xornalista Mikael Blomqvist (Michael Nyqvist) para que descubra que foi da súa sobriña Harriet, que desapareceu sen deixar ningunha pegada hai 40 anos. Adaptación ao cine da primeira parte da triloxía "Millenium" do escritor sueco Stieg Larsson.

Cartel en galego

OS RÍOS DE COLOR PÚRPURA

LES RIVIÉRES POURPRES (2000) 

Pierre Niemans (Jean Reno), un home con experiencia e un instinto infalíbel para os casos criminais, viaxa a Guernon, unha cidade universitaria dos Alpes, onde se cometeu un violento asasinato. Mentres tanto, a trescentos quilómetros de distancia, o novo e solitario Max Kerkerian (Vincent Cassel), un antigo ladrón de coches cuxo amor ao perigo levouno a ingresar na policía, está a investigar en Sarzac a profanación dun cemiterio, especialmente a tumba dunha nena que morreu hai vinte anos. Inesperadamente, establécese unha conexión entre ambos os dous casos.

Datos do filme

O ÚLTIMO CHANZO

STIR OF ECHOES (1999) 

Tom Witzky é un traballador corrente, un home que quere á súa familia e vive como unha persoa normal. Agora está a piques de coñecer un mundo completamente diferente. Que Tom non crea nos espíritos non ten importancia, posto que agora é un espírito o que cre en Tom.

Todo empeza dun xeito inocente, cando Tom accede a ser hipnotizado durante unha festa en casa duns veciños. Máis tarde, será asediado por voces e soños turbadores. Empeza a ver cousas que non pode explicar, a oír voces que xa non pode ignorar, a vivir unha vida que xa non é a súa e a ter visións que parecen fragmentos dun quebracabezas, ecos dun crime que pide ser resolto.