INTRIGA-CRIME (G-H-I)

GOTHIKA (2003)

A doutora Miranda Grey é psicóloga criminal que esperta un día e decátase de que é paciente na propia institución mental onde traballa, sen ningunha lembranza do asasinato que aparentemente cometeu. Axiña descobre que o seu home foi brutalmente asasinado 3 días atrás e que as probas de sangue acúsana a ela.

Datos do filme

HYPNOTIC (2023)

Decidido a atopar á súa filla desaparecida, o detective Danny Rourke (Ben Affleck) vese inmerso nun labirinto mentres investiga unha serie de asaltos a bancos que desafían a realidade e que lle farán cuestionarse sobre todo e todos os que lle rodean. Coa axuda de Diana Cruz, unha vidente superdotada, Rourke persegue e, ao mesmo tempo, é perseguido por un espectro letal, o único home que el cre que ten a clave para atopar á súa filla. Pero acabará descubrindo moito máis do que esperaba.

IDENTIDADE

IDENTITY (2003)

Atrapados nunha terríbel treboada, dez viaxeiros vense na obriga de refuxiarse nun estraño motel situado no medio do deserto, quedando illados do resto do mundo. Axiña se decatan de que atoparan calquera cousa menos refuxio, pois entre eles haivos un asasino.

Datos do filme

Cartel en galego

ILEGAL (2002)

Dous reporteiros queren facer o traballo das súas vidas: descubrir a mafia que transporta inmigrantes de África a Europa de xeito ilegal, coa intención de denunciar o drama que agocha a inmigración e a proliferación de redes clandestinas e criminais de tráfico de persoas.

Pepo Suevos ,

Datos do filme

INFILTRADOS

THE DEPARTED (2006)

O Departamento de Policía de Massachussets enfróntase á maior banda de crime organizado da cidade. A estratexia consiste en rematar dende dentro co poderoso xefe da mafia Frank Costello (Jack Nicholson). O encargado de infiltrarse é un mozo novato, Billy Costigan (Leonardo DiCaprio). Mentres Billy tenta gañar a confianza de Costello, outro novo policía, Colin Sullivan (Matt Damon), sobe coma un lostrego de categoría e ocupa un posto na unidade de Investigacións Especiais.

Leonardo Dicaprio ,

Datos do filme