MICHAEL CLAYTON (2007)

Michael Clayton (Clooney) traballa para un famoso bufete de Nova York, aínda que non exerce exactamente de avogado. O seu traballo consiste en eliminar o máis axiña posíbel e e de xeito aséptico os trapos sucios dos importantes clientes da súa empresa. Non é nin policía nin avogado, senón unha mestura de ambolos dous: o can gardián, o compañeiro fiel que sempre obedece e nunca pregunta...

Datos do filme

Cartel en galego

MYSTIC RIVER (2003)

Cando Jimmy Markum (Sexan Penn), Dave Boyle (Tim Robbins) e Sean Devine (Kevin Bacon) eran uns nenos que crecían xuntos nun perigoso barrio obreiro de Boston, pasaban os días xogando ao hóckey na rúa. Mais, un día, a Dave aconteceulle algo que marcou para sempre a súa vida e a dos seus amigos. Vinte e cinco anos máis tarde, outra traxedia vólveos unir: o asasinato de Katie (Emmy Rossum), a filla de 19 anos de Jimmy. A Sean, que é policía, asígnanlle o caso; pero tamén ten que estar moi pendente de Jimmy porque, no seu desespero, está a tentar tomar a xustiza pola súa man.

Datos do filme

NANCY DREW. MISTERIO NOS OUTEIROS DE HOLLYWOOD

NANCY DREW (2007)

A detective xuvenil Nancy Drew (Emma Roberts) acompaña ao seu pai (Tate Donovan) nunha viaxe de negocios a Los Ángeles. Alí Nancy atopa as probas dun crime sen resolver: a misteriosa morte dunha bela estrela de cine. A súa madureza e o seu sentido da responsabilidade veranse postos a proba no medio do turbillón da caótica e tola vida de Hollywood.

Datos do filme

NINJA ASASINO

NINJA ASSASSIN (2009)

Raizo (Rain) é un neno da rúa ao que o Clan Ozunu transforma nunha máquina programada para matar; mais, cando o Clan asasina un dos seus amigos, Raizo esvaécese e prepara a súa vinganza. En Berlin, a axente de Europol Mika Coretti (Naomie Harris) atopou unha pista que demostra que os responsábeis dalgúns asasinatos políticos son asasinos do Afastado Oriente. Cando o Clan se decata ordena a súa morte, pero Raizo consegue salvala, aínda que en diante o Clan non descansará ata que ambos os dous sexan eliminados.

Datos do filme

Cartel en galego

NON LLO DIGAS A NINGUÉN

NE LE DIS À PERSONNE (2006)

Oito anos despois do brutal asasinato da súa muller Margot a mans dun psicópata, Alexandre recibe unha mensaxe na que se pode ver unha imaxe dela entre a multitude. Decide entón comezar pola súa conta unha investigación para descubrir se é posible que siga viva. A aparición de probas novas e os sucesos que se desenvolven a continuación, volven situalo a el, igual que oito anos atrás, como principal sospeitoso de cometer o crime. Non lle queda outra alternativa que descubrir que pasou nos últimos días de vida de Margot para demostrar a súa inocencia.

Cartel en galego