UN DOS NOSOS

GOODFELLAS (1990)

Henry Hill, fillo de pai irlandés e nai siciliana, vive en Brooklyn e síntese abraiado pola vida que levan os gángsters do seu rueiro, onde a maioria dos veciños son inmigrantes. Paul Cicero, o patriarca da familia Pauline, é o protector do barrio.

Ós trece anos, Henry decide deixar a escola e entrar na organización mafiosa coma o mozo dos recados, axiña gaña a confianza dos seus xefes, motivo polo cal irá subindo de categoría.

Robert de Niro

Datos do filme

Cartel en galego

Cartel en portugués

VIDAS ALLEAS

TAKING LIVES (2004)

Unha destacada investigadora do FBI, a axente especial Illeana Scott non confía nas técnicas tradicionais de resolución de crímes para desentrañar os misterios dunha mente criminal. O seu método intuitivo e pouco convencional a miúdo supón unha diferencia crucial entre atrapar a un asasino e enviar un caso sen solucionar ó arquivo de casos pechados. Cando os detectives de Montreal que están levando a cabo unha investigación sobre un homicidio na zona piden ó seu pesar a axuda dunha persoa axena para adentrarse na mente dun astuto asasino en serie, a axente Scott entra no caso.

Datos do filme

Cartel en galego

VOO NOCTURNO

RED EYE (2005)

Ao subir ao avión, Lisa (Rachel McAdams) descobre de bo grado que o seu compañeiro de asento é Jackson, un mozo que semella ser un agradábel e amañado cabaleiro co que acababa de coquetear na terminal do aeroporto. Pero ao pouco tempo de despegar, Jackson (Cillian Murphy) revela ameazadoramente as súas verdadeiras intencións: asasinar ao Secretario Xeral de Seguridade Interior. E Lisa é un elemento crave do seu plan... 

Rachel McAdams

Datos do filme

Cartel en galego

WHITEOUT (2009)

Nunha base científica da Antártida, "no cu do mundo", a axente Carrie Stetko (Kate Beckinsale), ocúpase rutineiramente de asuntos de seguridade. Non obstante, cando, por fin, chega o momento de volver á súa casa, un piloto descobre no medio da neve o cadáver dun home asasinado. Mais, debido á chegada dunha xigantesca tormentato, os membros da base están a piques de seren evacuados, de xeito que a axente dispón de moi pouco tempo para identificar ó culpábel.

Datos do filme

XOGOS SALVAXES 3 

DIAMONDS IN THE ROUGHT (2005)

A bela e podente Marie Clifford (Sarah Laine) está a piques de telo todo. Ao cumprir 18 anos herdará a fortuna da súa nai, incluíndo un xogo de dous diamantes perfectos. Pero cando o seu padrasto, Jay Clifford (Brad Johnson) é acusado de violar a Elena (Sandra McCoy), a ovella negra do pobo, Marie debe decidir se emprega os diamantes para axudarlle, poñendo en marcha unha historia de enganos, chantaxe e asasinato. A axente do FBI Kristen Richards (Dina Meyer) investiga o caso, tentando descubrir quen é inocente ou culpábel. 

Datos do filme

ZODIAC (2007)

Thriller sobre o famoso "Asasino do  Zodiaco", un asasino en serie que, entre 1966 e 1978, matou a numerosas persoas en San Francisco, á vez que enviaba aos medios de comunicación cartas con pistas. A acción céntrase nas longas pescudas de dous detectives que tentaron darlle caza e nas investigacións de dous xornalistas que trataron de pescudar a súa identidade.